ମନୋରଞ୍ଜନ
ଓଡ଼ିଶା
ନନ୍ଦନକାନନକୁ ଆସିବ ନୂଆ ଅତିଥି, ମା’ ହେବ ସିଂହୀ ‘ବିଜଲୀ’
ଭୁବନେଶ୍ୱର : ବହୁଦିନର ଅପେକ୍ଷା ପରେ ନନ୍ଦନକାନନ ପ୍ରାଣୀ ଉଦ୍ୟାନରେ ଭାରତୀୟ ସିଂହ ବଂଶ ବୃଦ୍ଧିର ଶୁଭ ସଂକେତ ମିଳିଛି । ଆଉ କିଛି ଦିନ ମଧ୍ୟରେ ସିଂହୀ ‘ବିଜଲୀ’ ମା ହେବାକୁ ଯାଉଛି । ଏଥିପାଇଁ ନନ୍ଦନକାନନ କର୍ତ୍ତୃପକ୍ଷ ସଜାଗ ଅଛନ୍ତି । ସିଂହୀ ଶାବକ ଜନ୍ମ କରିବା ପାଇଁ ତାର ସମସ୍ତ ସଙ୍କେତ ମିଳିଲାଣି । ସିଂହୀ ‘ବିଜଲୀ’ ରହୁଥିବା ସଫାରୀର ଏକ ସ୍ୱତନ୍ତ୍ର କୋଠରୀରେ ତାକୁ ରଖାଯାଇ ତାର ଜନ୍ତୁ ରକ୍ଷକ, ମେଡିକାଲ ଅଫିସର ଓ ନନ୍ଦନକାନନର କର୍ମଚାରୀମାନେ ସିସିଟିଭି ମାଧ୍ୟମରେ ତା ଉପରେ ନଜର ରଖିଛନ୍ତି । ଗତ ଏପ୍ରିଲ ମାସରେ ବିଳାଶପୁର ଚିଡ଼ିଆଖାନାରୁ ଆସିଥିବା ଅଣ୍ଡିରା ସିଂହ ସମ୍ରାଟ ସହିତ କମଳା ନେହରୁ ଚିଡିଆଖାନାରୁ ଆସିଥିବା ସିଂହୀ ‘ବିଜଲୀ’ କୁ ମିଳନ କରାଯାଇଥିଲା ।
ସୂଚନା ଯୋଗ୍ୟ ନନ୍ଦନକାନନରେ ୨୦୦୪ ମସିହା ପରଠାରୁ ସିଂହ ବଂଶ ବୃଦ୍ଧିରେ ରୋକ ଲଗାଯାଇଥିଲା । ୨୦୨୦ ଡିସେମ୍ବରରେ କମଳା ନେହରୁ ଚିଡିଆଖାନାରୁ ୨ଟି ଭାରତୀୟ ସିଂହୀ ଅଣାଯାଇଥିଲା । ଗତ ଜାନୁଆରୀ ମାସରୁ ବିଭିନ୍ନ ସମୟରେ ସିଂହ ଓ ସିଂହୀ ମାନଙ୍କ ମଧ୍ୟରେ ମିଳନ କରାଯାଇଥିଲା ।
About The Author
