BJDର ବିକ୍ଷୋଭ ବେଳେ ଅନେକ ନେତା ଓ କର୍ମୀ ଆହତ; ତୀବ୍ର ନିନ୍ଦା କଲେ ବିରୋଧୀ ଦଳ ନେତାଙ୍କ ରାଜନୈତିକ ସଚିବ ସଂତୃପ୍ତ ମିଶ୍ର…

ଭୁବନେଶ୍ବର: ବାଲେଶ୍ବର ଫକୀର ମୋହନ ସ୍ବୟଂଶାସିତ ମହାବିଦ୍ୟାଳୟର ବିଏଡ୍ ଛାତ୍ରୀ ସୌମ୍ୟାଶ୍ରୀ ବିଶି ମୃତ୍ୟୁ ମାମଲାରେ ଆଜି ବିରୋଧୀ ବିଜେଡି ଲୋକସେବା ଭବନ ଘେରାଉ କରିବାକୁ ଉଦ୍ୟମ କରିଥିବା ବେଳେ ପୁଲିସ ସହ ମୁହଁମୁହିଁ ହୋଇଥିଲା। ବିଜେପି ସରକାର ନିଜ ଦୋଷ ଘୋଡ଼େଇବା ପାଇଁ ବିଜେଡ଼ି ନେତା ଓ କର୍ମୀ ମାନଙ୍କ ଉପରେ ବର୍ବର ଆକ୍ରମଣ କରିଛନ୍ତି। ବିଜେଡିର  ନେତା ପ୍ରୀତିରଞ୍ଜନ ଘଡେଇ, ପ୍ରଣାବ ପ୍ରକାଶ ଦାସ ଏବଂ ସୁଲତା ଦେଓଙ୍କ ସମତେ ଅନେକ କର୍ମୀ ପୁଲିସ ଆକ୍ରମଣରେ ଆହତ ହେଇଛନ୍ତି। ଏହାର ତୀବ୍ର ନିନ୍ଦା କରି ସରକାରଙ୍କ ଉପରେ ବର୍ଷିଛନ୍ତି ବିରୋଧୀ ଦଳ ନେତା ନବୀନ ପଟ୍ଟନାୟକଙ୍କ ରାଜନୈତିକ ସଚିବ ସଂତୃପ୍ତ ମିଶ୍ର।

ନିଜର ଅପାରଗତାକୁ ଘୋଡ଼େଇବା ପାଇଁ, ଓଡ଼ିଶାର ନାଗରିକ ମାନଙ୍କର ଉଚିତ ଦାବୀ ପୂରଣ ନକରି ପାରି ,ଏବଂ ସୋମ୍ୟାଶ୍ରୀଙ୍କୁ ମୃତ୍ୟୁରୁ ବଞ୍ଚେଇ ନପାରି ଓଡ଼ିଶାର ବିଜେପି ସରକାର ନିଜ ଦୋଷ ଘୋଡ଼େଇବା ପାଇଁ ବିଜେଡ଼ି ନେତା ଓ କର୍ମୀ ମାନଙ୍କ ଉପରେ ବର୍ବର ଆକ୍ରମଣ କରିଛନ୍ତି। ବିଜେଡିର ଅନେକ ନେତା ଯଥା ଆମର ନେତା ପ୍ରୀତିରଞ୍ଜନ ଘଡ଼ାଇ, ପ୍ରଣବ…

ଆହୁରି ପଢ଼ନ୍ତୁ: ନୟାଗଡ଼ର ରୁଖି ପାହାଡ଼ରେ ଫସିଗଲେ କଲେଜ ଛାତ୍ର, ୨ ଘଣ୍ଟାର ଅକ୍ଳାନ୍ତ ପରିଶ୍ରମ ପରେ ସୁରକ୍ଷିତ ଉଦ୍ଧାର

— Santrupt Misra (@DrSantruptMisra) July 16, 2025

ସେ ନିଜ ‘ଏକ୍ସ’ରେ ଲେଖିଛନ୍ତି ଯେ, ରାଜ୍ୟ ସରକାର ନିଜର ଅପାରଗତାକୁ ଘୋଡ଼େଇବା ପାଇଁ, ଓଡ଼ିଶାର ନାଗରିକ ମାନଙ୍କର ଉଚିତ ଦାବି ପୂରଣ ନକରି ପାରି ଏବଂ ସୋମ୍ୟାଶ୍ରୀଙ୍କୁ ମୃତ୍ୟୁରୁ ବଞ୍ଚେଇ ନ ପାରି ଓଡ଼ିଶାର ବିଜେପି ସରକାର ନିଜ ଦୋଷ ଘୋଡ଼େଇବା ପାଇଁ ବିଜେଡ଼ି ନେତା ଓ କର୍ମୀ ମାନଙ୍କ ଉପରେ ବର୍ବର ଆକ୍ରମଣ କରିଛନ୍ତି। ଯଦି ଓଡ଼ିଶାର ବିଜେପି ସରକାର ଶାନ୍ତି ପୂର୍ବକ ଗଣତନ୍ତ୍ର ପ୍ରକ୍ରିୟାକୁ ସମ୍ମାନ ଦେଇପାରିବେ ନାହିଁ ଏବଂ ପୁଲିସ ଶକ୍ତି ଦ୍ୱାରା ଲୋକମାନଙ୍କର ସ୍ୱରକୁ ଚାପିବା ପାଇଁ ଚେଷ୍ଟା କରିବେ, ତାହେଲେ ନିଜର ଗାଦି ଛାଡି ଚାଲି ଯିବା ଉଚିତ। ଏ ଭଣ୍ଡ ଭ୍ରଷ୍ଟ ସରକାର ଓଡ଼ିଶାରେ ଚାଲିବ ନାହିଁ। ଓଡ଼ିଶାବାସୀ ଏହାକୁ ସହିବେ ନାହିଁ। ବିଜୁ ଜନତା ଦଳ ଏହାକୁ ଘୋର ବିରୋଧ କରିବ। ଓଡ଼ିଶା ସରକାରଙ୍କର ସମସ୍ତ ଗୁଳି ସରିବା ପର୍ଯ୍ୟନ୍ତ ଏହାର ବିରୋଧ କରିବ ବୋଲି ବିରୋଧୀ ଦଳ ନେତାଙ୍କ ରାଜନୈତିକ ସଚିବ ସଂତୃପ୍ତ ମିଶ୍ର କହିଛନ୍ତି।