ମନୋରଞ୍ଜନ
ଓଡ଼ିଶା
କଣାସ ବର୍ବରତା: ଆତ୍ମସମର୍ପଣ କଲା ମୁଖ୍ୟ ଅଭିଯୁକ୍ତ ସୁଧାଂଶୁ ମହାପାତ୍ର ଓରଫ୍ ହାପି
ପୁରୀ: କଣାସ ଗୋଲାବଜାରରେ ଯୁବକକୁ ପନିକିରେ ହାଣି ବୁଲେଟ ଚଢାଇ ଦେବା ଘଟଣାରେ ଆତ୍ମସମର୍ପଣ କଲା ମୁଖ୍ୟ ଅଭିଯୁକ୍ତ ସୁଧାଂଶୁ ମହାପାତ୍ର ଓରଫ୍ ହାପି । ଆଜି ପୁରୀ କୋର୍ଟରେ ଆତ୍ମସମର୍ପଣ କରିଥିବା ସୂଚନା ମିଳିଛି । ଘଟଣା ଘଟାଇ ହାପି ୯ ଦିନ ହେଲା ଫେରାର ଥିଲା । ହାପିକୁ ଧରିବା ପାଇଁ ପୁଲିସର ମୁଣ୍ଡ ବ୍ୟଥା ବଢିଥିଲା । ଶେଷରେ ହାପି ନିଜେ କୋର୍ଟରେ ସରେଣ୍ଡର କରିଛି ।
ଘଟଣାରେ ପୂର୍ବରୁ ପୋଲିସ ୪ ଜଣଙ୍କୁ ଗିରଫ କରିଥିବାବେଳେ ରାୟପୁରରୁ ଆଉ ଜଣେ ଅଭିଯୁକ୍ତକୁ ଗିରଫ କରିଛି ପୋଲିସ । ଅଭିଯୁକ୍ତ ଜଣକ ହେଉଛି ବଳରାମ ଛୋଟରାୟ । ସେ ଘଟଣାର ମୁଖ୍ୟ ଅଭିଯୁକ୍ତ ହାପିକୁ ଛତିଶଗଡ଼ରେ ସମ୍ପର୍କୀୟଙ୍କ ଘରେ ଲୁଚାଇ ରଖିବାରେ ସହଯୋଗ କରିଥିଲା । ଗିରଫ ଅଭିଯୁକ୍ତଙ୍କ ସଂଖ୍ୟା ୬କୁ ବୃଦ୍ଧି ପାଇଛି ।
ସୂଚନାଯୋଗ୍ୟ, କଣାସ ଥାନା ଦୋକନ୍ଦା ଗାଁର ମୃତ୍ୟୁଞ୍ଜୟ ଭାରିମଳଙ୍କୁ ଶନିବାର ଦିନ ଗୋଲାବଜାର ମାଛ ମାର୍କେଟ ନିକଟରେ କିଛି ଦୁର୍ବୃତ୍ତ ଗୋଡ଼ାଇ ଗୋଡ଼ାଇ ଆକ୍ରମଣ କରିଥିଲେ। ୩ରୁ ୬ ଜଣ ଦୁର୍ବୃତ୍ତ ଏକ ଧାରୁଆ ପନିକିରେ ମୃତ୍ୟୁଞ୍ଜୟଙ୍କୁ ନିର୍ମମ ଭାବେ ହାଣିବା ପରେ ତାଙ୍କ ଉପରେ ଗାଡ଼ି ଚଢ଼ାଇ ଦେଇଥିଲେ।
About The Author
