ମନୋରଞ୍ଜନ
ଓଡ଼ିଶା
20 Jun 2023
By The Sakala
ପୋଲିସର କଡ଼ା ପହରା ସତ୍ତ୍ୱେ ମନ୍ଦିରରେ କଳା କନା ବୁଲାଇଲେ ଲୁଟେରା
ଭୁବନେଶ୍ୱର: ରଥଯାତ୍ରାରେ ମନ୍ଦିରରେ କଳା କନା ବୁଲାଇଲେ ଲୁଟେରା । ପୋଲିସର କଡ଼ା ପହରାକୁ ବେଖାତିର କରି ମନ୍ଦିରରୁ ଅଳଙ୍କାର ସହ ନଗଦ ଟଙ୍କା ଲୁଟିନେଲେ ଲୁଟେରା । ନିକୋ ପାର୍କ ନିକଟରେ ଥିବା ମନ୍ଦିରରୁ ଭୋର ସମୟରେ ହୋଇଛି ଲୁଟ୍ । ମଧୁସୂଦନ ନଗର ସୁନାଦେଇ ମନ୍ଦିରରୁ ନେଇଗଲେ ଅଳଙ୍କାର । ପ୍ରାଙ୍ଗଣରେ ଥିବା ରାମ ଓ ଗଣେଶ ମନ୍ଦିରରୁ ହୁଣ୍ଡି ଭାଙ୍ଗି ଲୁଟ୍ ହୋଇଛି । ରୂପା ମୁକୁଟ, ସୁନା ଅଳଙ୍କାର, ନଗଦ ଟଙ୍କା, ଘଣ୍ଟ ଘଣ୍ଟା ଲୁଟ୍ ହୋଇଥିବା ଜଣାପଡିଛି ।
ଲୁଟ ସାମଗ୍ରୀ ମଧ୍ୟରେ ମା’ ଙ୍କ ମନ୍ଦିରରେ ଥିବା ୧୨ ଟି ସୁନା ଆଖି ମଧ୍ୟ ରହିଛି । ଗ୍ୟାସ କଟରରେ କାଟି ଲୁଟେରା ଲୁଟ୍ କରିଥିବା ସ୍ପଷ୍ଟ । ଲୁଟର ଅଭିଯୋଗ ପରେ ଘଟଣାସ୍ଥଳରେ ସାଇଣ୍ଟିଫିକ ଟିମ ପହଞ୍ଚି ଛାନଭିନ୍ ଆରମ୍ଭ କରିଛି । ସହିଦନଗର ଥାନା ପକ୍ଷରୁ ଜାରି ରହିଛି ତଦନ୍ତ । ମନ୍ଦିର କମିଟି ପକ୍ଷରୁ ଏନେଇ ସହିଦନଗର ଥାନାରେ ଏତଲା ଦାୟର ହୋଇଛି ।
https://www.thesakala.in/latest-odisha-news/loot-from-a-temple-in-bhubaneswar/article-22777
About The Author
