ମନୋରଞ୍ଜନ
ଓଡ଼ିଶା
ଭାରସାମ୍ୟ ହରାଇ କାଞ୍ଜିପାଣି ଘାଟି ତଳକୁ ଖସିଲା ଟ୍ରକ; ଡ୍ରାଇଭର ମୃତ, ହେଲ୍ପର ଗୁରୁତର
ତେଲକୋଇ: କେନ୍ଦୁଝର ଦେଇ ଯାଇଥିବା ଜାତୀୟ ରାଜପଥ ୪୯ର କାଞ୍ଜିପାଣି ଘାଟିରେ ଏକ ଟ୍ରକ ବ୍ରେକ ଫେଲ ହେବାରୁ ଘାଟି ତଳକୁ ଖସିପିଡ଼ିଛି । ଫଳରେ ଟ୍ରକ ଡ୍ରାଇଭରର ଘଟଣା ସ୍ଥଳରେ ମୃତ୍ୟୁ ହୋଇଥିବା ବେଳେ ହେଲ୍ପର ଗୁରୁତର ଆହତ ହୋଇଛି । ସୂଚନା ଅନୁସାରେ ଓଡ଼ି 06 ଏ -6050 ନମ୍ବର ବିଶିଷ୍ଟ ଟ୍ରକଟି କଲିକତା ପଟୁ ଜାତୀୟ ରାଜପଥ ୪୯ ରେ ଢେଙ୍କାନାଳ ମେରା ମୁଣ୍ଡୁଳୀକୁ ଖଣି ଯନ୍ତ୍ରାଂଶ ନେଇ ଯାଉଥିଲା। କାଞ୍ଜିପାଣି ଥାନା ଅଞ୍ଚଳ କାଞ୍ଜିପାଣି ଘାଟିରେ ଟ୍ରକର ବ୍ରେକ ଫେଲ ହୋଇଥିଲା। ଫଳରେ ଟ୍ରକଟି ଭାରସାମ୍ୟ ହରାଇ ଘାଟିର ୧୦୦ ଫୁଟ ତଳକୁ ଖସି ପଡି ଓଲଟି ଯାଇଥିଲା। ଫଳରେ ଟ୍ରକ ଡ୍ରାଇଭର ଢେଙ୍କାନାଳ ଜୋରନ୍ଦାର ବବି ନାରାୟଣ ରାଉତ ଘଟଣା ସ୍ଥଳରେ ମୃତ୍ୟୁ ବରଣ କରିଛନ୍ତି। ଅନ୍ୟପକ୍ଷରେ ଟ୍ରକ ହେଲ୍ପର ଢେଙ୍କାନାଳର ଶିଶୁ ଯାଦବ ଗୁରୁତର ଆହତ ହୋଇଛନ୍ତି। ଖବର ପାଇ କାଞ୍ଜିପାଣି ପୋଲିସ,ଅଗ୍ନିଶମ ବାହିନୀ ଘଟଣା ସ୍ଥଳରେ ପହଞ୍ଚି ଉଦ୍ଧାରକାର୍ଯ୍ୟ କରିଛନ୍ତି।
About The Author
