ମନୋରଞ୍ଜନ
ଓଡ଼ିଶା
22 Jul 2023
By The Sakala
ମହଙ୍ଗା ପଡ଼ିଲା ପିସିସି ସଭାପତିଙ୍କୁ ବିରୋଧ, ସାଧାରଣ ସମ୍ପାଦକ ନାରାୟଣ ଜେନା ଦଳରୁ ବହିଷ୍କୃତ
ଭୁବନେଶ୍ୱର: ପ୍ରଦେଶ କଂଗ୍ରେସ କମିଟି ବିରୋଧରେ ଗଣମାଧ୍ୟମରେ ପ୍ରତିକ୍ରିୟା ରଖିବା ଅଭିଯୋଗରେ ପିସିସି ସାଧାରଣ ସମ୍ପାଦକ ନାରାୟଣ ଜେନାଙ୍କୁ କଂଗ୍ରେସର ପ୍ରାଥମିକ ସଦସ୍ୟ ପଦରୁ ବହିଷ୍କାର କରାଯାଇଛି। କଂଗ୍ରେସ ଶୃଙ୍ଖଳା କମିଟି ଅଧ୍ୟକ୍ଷ ତଥା ବିଧାୟକ ସନ୍ତୋଷ ସିଂ ସାଲୁଜା ଏ ନେଇ ସୂଚନା ଦେଇଛନ୍ତି। ଶୁକ୍ରବାର ଶ୍ରୀ ସାଲୁଜାଙ୍କ ସରକାରୀ ଆବାସରେ ହୋଇଥିବା ଶୃଙ୍ଖଳା କମିଟି ବୈଠକରେ ଦଳ ଏଭଳି ନିଷ୍ପତ୍ତି ନେଇଛି।
କଂଗ୍ରେସ ଦଳ ଓ ପ୍ରଦେଶ କଂଗ୍ରେସ କମିଟି ସଭାପତିଙ୍କ ବିରୁଦ୍ଧରେ ବିଭିନ୍ନ ଗଣମାଧ୍ୟମରେ କଟୁ ମନ୍ତବ୍ୟ ପ୍ରଦାନ କରି ଶ୍ରୀଜେନା ଦଳୀୟ ଶୃଙ୍ଖଳା ଭଙ୍ଗ କରିଛନ୍ତି। ଏଭଳି ଦଳ ବିରୋଧୀ କାର୍ଯ୍ୟ ଯୋଗୁଁ ତାଙ୍କୁ ବହିଷ୍କାର କରାଯାଇଥିବା ଶ୍ରୀ ସାଲୁଜା କହିଛନ୍ତି। ସେହିଭଳି କଂଗ୍ରେସ ଶୃଙ୍ଖଳା କମିଟି ପକ୍ଷରୁ ନାରାୟଣ ଜେନାଙ୍କୁ ଏନେଇ ଚିଠି କରି ସୂଚନା ପ୍ରଦାନ କରାଯାଇଛି। ସୂଚନାଯୋଗ୍ୟ ଯେ ଶ୍ରୀଜେନା ମୋକିମ୍ ଓ ଚିରଞ୍ଜୀବଙ୍କ ସପକ୍ଷରେ ସାମ୍ବାଦିକ ସମ୍ମିଳନୀ କରି ପିସିସି ସଭାପତିଙ୍କୁ ସମାଲୋଚନା କରିଥିଲେ।
https://www.thesakala.in/latest-odisha-news/general-secretary-narayan-jena-was-expelled-from-the-congress-for-opposing-the-pcc-president/article-23709
About The Author
