ମନୋରଞ୍ଜନ
ଓଡ଼ିଶା
16 Aug 2022
By The Sakala
ମହାନଦୀର ଶାଖା ପାଇକାରେ ୨୦ ଫୁଟର ଘାଈ, ବଡ ବାଲିକଣି ପଞ୍ଚାୟତରେ ବନ୍ୟା ଜଳ ପ୍ରବାହିତ
ଜଗତସିଂହପୁର : ମହାନଦୀର ଶାଖା ନଦୀ ପାଇକାରେ ୨୦ ଫୁଟର ଏକ ଘାଈ ସୃଷ୍ଟି ହୋଇଛି। ଜିଲ୍ଲାର କୁଜଙ୍ଗ ବ୍ଲକ ଅନ୍ତର୍ଗତ ବଡ ବାଲିକଣି ପଞ୍ଚାୟତରେ ଏହି ବନ୍ୟା ଜଳ ପ୍ରବେଶ କରିବା ସହିତ ଲୋକମାନେ ପାଣି ଭିତରେ ରହିଥିବା ସୂଚନା ମିଳିଛି।
ଖବରରୁ ପ୍ରକାଶ , ମହାନଦୀର ଶାଖା ନଦୀ ପାଇକାର ନଦୀ ବନ୍ଧରେ ପ୍ରଥମେ ଘଳିିଆ ପଡିବାପରେ ଏଠାରେ ଆବଶ୍ୟକ ବାଲି ବସ୍ତା ଦେବାରେ ବିଫଳ ହେବାରୁ ବନ୍ଧ ଭାଂଗି ବନ୍ୟା ଜଳ କୁଜଙ୍ଗ ବ୍ଲକର ବଡ ବାଲିକଣି ପଞ୍ଚାୟତରେ ପବେଶ କରିଥିଲା। ଚାହୁଁ ଚାହୁଁ ଏଠାରେ ୨୦ ଫୁଟର ଘାଈ ହେବା ସହିତ ବନ୍ୟାଜଳ ଗ୍ରାମ ଭିତରେ ପ୍ରବାହିତ ହୋଇଥିିଲା। ତେବେ ଏହି ବନ୍ୟାଜଳ ଗ୍ରାମକୁ ପ୍ରବେଶ କରିବା ପରେ ଆଖପାଖ କେତୋଟି ପଂଚାୟତର ଲୋକ ଜଳବନ୍ଦି ହୋଇ ପଡିବାର ସଂମ୍ଭାବନା ରହିଛି। ବ୍ଲକ ପ୍ରଶାସନ ପକ୍ଷରୁ ଲୋକଙ୍କ ନିକଟରେ ସହାୟତା ପହଂଚାଇବା ପାଇଁ ଉଦ୍ୟମ ଜାରି ରହିଛି। କୁଜଙ୍ଗ ବ୍ଲକରେ ୯ଟି ରାସ୍ତା , ୫ଟି ବ୍ରିଜ , ୨୦ଟି ବିଦ୍ୟାଳୟ ଓ ଗୋଟିଏ କଲ୍ୟାଣ ମଣ୍ଡପ ଜଳମଗ୍ନ ହୋଇଥିବା ସୂଚନା ମିଳିଛି।
https://www.thesakala.in/latest-odisha-news/flood-water-in-paika-river-dangerous-situation/article-14185
About The Author
