ମନୋରଞ୍ଜନ
ଓଡ଼ିଶା
09 Jun 2023
By The Sakala
ବର୍ଷା ପବନରୁ ରକ୍ଷା ପାଇବା ପାଇଁ ଆଶ୍ରୟ ନେବାବେଳେ ଫାର୍ମ କାନ୍ଥ ପଡି ଜଣେ ମୃତ
କାମାକ୍ଷାନଗର: ଢେଙ୍କାନାଳ ଜିଲା କାମାକ୍ଷାନଗର ଥାନା ନୁଆଁପାଣି ଗାଁରେ ଏକ ଫାର୍ମର କାନ୍ଥ ପଡି ଜଣେ ମୃତ୍ୟୁବରଣ କରିଛନ୍ତି । ଗାଁର ଅଚ୍ୟୁତ ଦିଆଣି ଗତକାଲି ଅପରାହ୍ନରେ ଗାଁ ପାଖ ଜଙ୍ଗଲକୁ ଟୋଲ ଗୋଟାଇବାକୁ ଯାଇଥିଲେ, ମାତ୍ର ଆଉ ଘରକୁ ଫେରିନଥିଲେ । ଘର ଲୋକେ ବହୁତ ଖୋଜାଖୋଜି କରିବା ପରେ ପାଇନଥିଲେ । ଆଜି ଗାଁ ପାଖରେ ଥିବା ଏକ ଫାର୍ମର କାନ୍ଥ ତାଙ୍କ ଉପରେ ମାଡିବସୀ ଥିବାର ଦେଖିଥିଲେ । ଗତକାଲି ଅପରାହନ୍ନରେ ବର୍ଷା ପବନ ହୋଇଥିଲା ଯାହାଫଳରେ ସେ ଆଶ୍ରୟ ନେବାକୁ ଯାଇଥିବା ବେଳେ ଫାର୍ମର କାନ୍ଥ ପଡ଼ି ତାଙ୍କର ମୃତ୍ୟୁ ହୋଇଥିବା ଜଣାପଡ଼ିଛି । ଘଟଣାସ୍ଥଳରେ କାମାକ୍ଷାନଗର ପୋଲିସ ପହଂଚି ମୃତ ଦେହକୁ ଜବତ କରିବା ସହ ତଦନ୍ତ ଜାରି ରଖିଛି ।
https://www.thesakala.in/latest-odisha-news/dhenkanal/man-died-after-wall-collapsed-in-kamakhyanagar/article-22437
About The Author
