ମନୋରଞ୍ଜନ
ଓଡ଼ିଶା
କୂଅ ସଫା କରୁଥିବାବେଳେ ଶ୍ବାସରୁଦ୍ଧ ହୋଇ ୨ ମୃତ
କାମାକ୍ଷାନଗର: କୂଅରେ ସଫା କରୁଥିବା ବେଳେ ଅଘଟଣ । ଚାଲିଗଲା ଦୁଇ ଜଣଙ୍କ ଜୀବନ । ଢେଙ୍କାନାଳ ଜିଲ୍ଲା ପରଜଙ୍ଗ ଥାନା ସରକୀଶରୀପାଳ ଗାଁରେ ଘଟିଛି ଏହି ଅଘଟଣ । ୩୫ଫୁଟ ଗଭୀର କୂଅ ସଫା କରୁଥିବା ବେଳେ ୨ ଜଣଙ୍କର ମୃତ୍ୟୁ ହୋଇଛି । ମୃତକ ଦୁଇ ଜଣ ହେଉଛନ୍ତି ସେହି ଗ୍ରାମର ଶଶିଭୂଷଣ ସାହୁ ଓ ଭଜମନ ସାହୁ ।
ସୂଚନା ମୁତାବକ, ଶଶିଭୂଷଣଙ୍କ କୂଅ ଉଭୟ ମିଶି ସଫା କରୁଥିବାବେଳେ, ଅସାବଧାନତା କାରଣରୁ ଶ୍ବାସରୁଦ୍ଧ ହୋଇ ମୃତ୍ୟୁ ହୋଇଥିବା ଅନୁମାନ କରାଯାଉଛି । ସେପଟେ ଘଟଣା ସ୍ଥଳରେ ଦମକଳବାହିନୀ ପହଂଚି ମୃତଦେହ ଉଦ୍ଧାର କରିଛି । ଶବ ବ୍ୟବଛେଦ ପାଇଁ ପରଜଙ୍ଗ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ପଠାଇଛି ପୋଲିସ । ଦୁଇ ଜଣଙ୍କ ମୃତ୍ୟୁକୁ ନେଇ ଗାଁରେ ଶୋକାକୋଳ ପରିବେଶ ସୃଷ୍ଟି ହୋଇଛି ।
About The Author
