ମନୋରଞ୍ଜନ
ଓଡ଼ିଶା
13 Jan 2026
By Madhusudan Das
ଗୁଡ଼ିର ମାଞ୍ଜା ସୁତାକୁ ନେଇ ଭୟ, କମିଶନରେଟ ପୋଲିସ ପକ୍ଷରୁ ସ୍ବତନ୍ତ୍ର ଅଭିଯାନ
ଭୁବନେଶ୍ବର: କଟକ ପୁରୀ ପରେ ଏବେ ରାଜଧାନୀ ଭୁବନେଶ୍ବରରେ ଗୁଡ଼ି ସୁତାକୁ ନେଇ ଭୟ। ଲୋକଙ୍କ ପାଇଁ ବିପଦ ସାଜିଛି ମାଞ୍ଜା ସୂତାରେ ଉଡୁଥିବା ଗୁଡ଼ି। ଏହା ଉପରେ ରୋକ ଲଗାଇବା ପାଇଁ କମିଶନରେଟ ପୋଲିସ ପକ୍ଷରୁ ଆରମ୍ଭ ହୋଇଛି ସ୍ବତନ୍ତ୍ର ଅଭିଯାନ। ମାଞ୍ଜା ସୂତା ଦ୍ଵାରା ଅନେକ ଲୋକ ଆହତ ହେବା ପରେ ଆକ୍ସନ ମୋଡ଼କୁ ଆସିଛି ବଡଗଡ଼ ଥାନା ପୋଲିସ। ଏ ନେଇ ପୋଲିସ ଫାଇନ କରିବା ସହ ଆଇନ ଅନୁଯାୟୀ କାର୍ଯ୍ୟାନୁଷ୍ଠାନ ଆରମ୍ଭ କରିଛି। ବର୍ତ୍ତମାନ ସୁଦ୍ଧା ଏକାଧିକ ଦୋକାନରେ ଚଡାଉ କରିଥିବାବେଳେ ନଟେଇ, ମାଞ୍ଜା ସୁତା ବଣ୍ଡଲ ଓ ୨୪ଟି ଗୁଡ଼ିକୁ ଜବତ କରାଯାଇଛି l ବଡଗଡ଼ ପୋଲିସ ପକ୍ଷରୁ ମାଞ୍ଜା ସୁତା ବ୍ୟବହାର ନକରିବା ପାଇଁ ସଚେତନତା କରାଯାଉଥିବା କହିଛନ୍ତି ଥାନାଧିକାରୀ।
https://www.thesakala.in/latest-odisha-news/commissionerate-police-special-campaign-to-ban-kite-with-manja-thread/article-44067
About The Author
