ମନୋରଞ୍ଜନ
ଓଡ଼ିଶା
ମଝି ଚିଲିକାରୁ ନିଖୋଜ ନାବାଳକର ମୃତଦେହ ଉଦ୍ଧାର, ହତ୍ୟା ସନ୍ଦେହ
ପୁରୀ: ଚିଲିକାକୁ ମାଛ ଧରିବାକୁ ଯାଇଥିଲେ, ଆଉ ଫେରିଲେନି । ମଝି ଚିଲିକାରୁ ନିଖୋଜ ନାବାଳକର ମୃତଦେହ ଉଦ୍ଧାର ହୋଇଛି । ପୁରୀ ଜିଲ୍ଲା କୃଷ୍ଣପ୍ରସାଦ ଥାନା ଅନ୍ତର୍ଗତ କୁମାରପୁର ଗାଁ ନିକଟସ୍ଥ ଚିଲିକା ହ୍ରଦକୁ ମାଛ ଧରିବାକୁ ଯାଇଥିଲେ ଓମ ଶିକାରୀ, ଏବେ ତାଙ୍କର ମୃତଦେହ ମିଳିଛି । ଏହି ଘଟଣା ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳାଇ ଦେଇଛି ।
ମିଳିଥିବା ସୂଚନା ଅନୁଯାୟୀ, କୁମାରପୂର ଗ୍ରାମର ଚିନ୍ମୟ ବେହେରା, ଅମର ବେହେରା ଏବଂ ଓମ ଶିକାରୀ କୁମାରପୂର ଗ୍ରାମ ନିକଟ ଶ୍ୟାମାକାଳୀ ବାହାର ଚିଲିକାରୁ ମାଛ ଧରୁଥିଲେ। ସୋମବାର ସଂଧ୍ୟା ୭ଟା ସମୟରେ ହଠାତ ୨ଟି ଡଙ୍ଗାରେ ୪୦ରୁ ଉର୍ଦ୍ଧ୍ୱ ଲୋକ ମରଣାସ୍ତ୍ର ସହ ଆସି ଧମକାଇ ଥିଲେ। ସେମାନଙ୍କ ମାଛ ନେଇଯିବା ସହ ସେମାନଙ୍କୁ ଆକ୍ରମଣ କରିଥିଲେ। ଏକ ଭୁଜାଲିରେ ଅମର ବେହେରାଙ୍କ ମୁଣ୍ଡକୁ ହାଣି ଦେଇଥିଲେ। ତେବେ ଚିନ୍ମୟ ବେହେରା କୌଶଳରେ ଖସି ଚାଲି ଆସିଥିବା ବେଳେ ଓମ ନାମକ ଜଣେ ନାବାଳକ ଚିଲିକାରେ ନିଖୋଜ ଥିଲେ।
୧୫ଘଣ୍ଟା ପରେ ନିଖୋଜ ଓମର ମୃତଦେହ ଚିଲିକାରେ ଭାସୁଥିବା ଜଣାପଡ଼ିଛି। ଏନେଇ କୃଷ୍ଣପ୍ରସାଦ ଥାନାରେ ଏତଲା ଦିଆଯିବା ପରେ ପୋଲିସର ତନାଘନା ଆରମ୍ଭ ହୋଇଛି। ପୁରୀ ସଦର ଏସ ଡି ପି ଓ ମାନସ ଚନ୍ଦ୍ର ବାରିକ, କୃଷ୍ଣପ୍ରସାଦ ଥାନା ଆରକ୍ଷୀ ନିରୀକ୍ଷକ ବିଚିତ୍ରାନନ୍ଦ ପ୍ରଧାନ ସଦଳବଳେ ଆସି ମାଲୁଦ ଅଗ୍ନିଶମ ବାହିନୀ ଚିଲିକାରୁ ଭାସୁଥିବା ମୃତଦେହକୁ ଉଦ୍ଧାର କରିଛନ୍ତି ।
About The Author
