ମନୋରଞ୍ଜନ
ଓଡ଼ିଶା
11 May 2023
By The Sakala
୪୮ ଘଣ୍ଟା ପରେ ମିଳିଲା ପାୱାର କେନାଲ୍ରେ ଭାସିଯାଇଥିବା ନିଖୋଜ ଛାତ୍ରୀଙ୍କ ମୃତଦେହ
ବୁର୍ଲା: ଆଜି ସନ୍ଧ୍ୟାରେ ୧୮ ହଜାର ସାଇଫନରୁ ନିଖୋଜ ଛାତ୍ରୀଙ୍କ ମୃତଦେହ ଉଦ୍ଧାର କରାଯାଇଛି । ଆଜି ସନ୍ଧ୍ୟାରେ ମହାନଦୀ ସଡକ ଘାଟରୁ ଛାତ୍ରୀଙ୍କର ମୃତ ଦେହ ଉଦ୍ଧାର କରିଛି ବୁର୍ଲା ଅଗ୍ନିଶମ ବାହିନୀ । ମହାନଦୀ ପାଣିରେ ଭାସୁଥିବା ଅବସ୍ଥାରେ ମୃତଦେହ ଉଦ୍ଧାର ହୋଇଛି । ଦୁଇ ଦିନର ଅକ୍ଲାନ୍ତ ପରିଶ୍ରମ ପରେ ମୃତଦେହକୁ ଉଦ୍ଧାର କରିଛି ଅଗ୍ନିଶମ ବାହିନୀ । ଏନେଇ ବୁର୍ଲା ଥାନାରେ ଅପମୃତ୍ୟୁ ମାମଲା ରୁଜୁ ହୋଇଛି ।
ସୂଚନା ଅନୁସାରେ ଗତ ମଙ୍ଗଳବାର ସନ୍ଧ୍ୟାରେ ନିଶା ଝା ତାଙ୍କର ଜଣେ ପୁରୁଷ ବନ୍ଧୁଙ୍କ ସହିତ ୧୮ ହଜାର ସାଇଫନ ଅଂଚଳକୁ ବୁଲିବାକୁ ଯାଇଥିଲେ । ତେବେ ସେଠାରେ ନିଶା ପାଣିକୁ ଦେଖି ଉତ୍ସାହିତ ହୋଇଥିଲେ । ତେବେ ପାଣିରେ ଖେଳୁଥିବା ସମୟରେ ଭାସିଯାଇ ନିଖୋଜ ହୋଇଯାଇଥିଲେ ନିଶା । ତେବେ ପୁରୁଷ ବନ୍ଧୁ ଘଟଣା ଦିନ ଅଗ୍ନିଶମ ବାହିନୀକୁ ଡକାଇଥିବାବେଳେ ଖୋଜା ଖୋଜା ଆରମ୍ଭ ହୋଇଥିଲା । ୨ ଦିନର ଅକ୍ଲାନ୍ତ ପରିଶ୍ରମ ପରେ ଆଜି ସନ୍ଧ୍ୟାରେ ଭାସମାନ ଅବସ୍ଥାରେ ମୃତଦେହ ଉଦ୍ଧାର କରିଛି ପୋଲିସ ।
https://www.thesakala.in/latest-odisha-news/body-of-lady-student-found-from-mahanadi-water-canal/article-21564
About The Author
