ମନୋରଞ୍ଜନ
ଓଡ଼ିଶା
22 Dec 2025
By Madhusudan Das
ବ୍ରାହ୍ମଣୀ ନଦୀରୁ ଯୁବକ-ଯୁବତୀଙ୍କ ମୃତଦେହ ଉଦ୍ଧାର; ପାଣିରେ ବୁଡ଼ିଗଲେ ନା ଆତ୍ମହତ୍ୟା, କାରଣ ଅସ୍ପଷ୍ଟ
ବଣାଇ: ବ୍ରାହ୍ମଣୀ ନଦୀରୁ ଯୁବକ ଯୁବତୀଙ୍କ ମୃତଦେହ ଉଦ୍ଧାର । ସୁନ୍ଦରଗଡ଼ ଜିଲ୍ଲା ବଣାଇର ଚାନ୍ଦିପୋଷ ଥାନା ଅନ୍ତର୍ଗତ ବିରତୋଳା ନିକଟ ବ୍ରାହ୍ମଣୀ ନଦୀରୁ ଦୁଇ ଯୁବକ ଯୁବତୀଙ୍କ ମୃତଦେହ ଉଦ୍ଧାର ହୋଇଛି । ଅଗ୍ନିଶମ ବିଭାଗର କର୍ମଚାରୀ ମୃତଦେହ ଉଦ୍ଧାର କରିଛନ୍ତି । ଘଟଣାସ୍ଥଳରେ ଚାନ୍ଦିପୋଷ ପୋଲିସ ପହଁଞ୍ଚି ଶବ ଜବତ କରି ବ୍ୟବଚ୍ଛେଦ ନିମନ୍ତେ ପଠାଇବା ସହ ତଦନ୍ତ ଜାରୀ ରଖିଛି । ଯୁବକ ଓ ଯୁବତୀ ଉଭୟ ରାଉରକେଲା ଅଞ୍ଚଳର ହୋଇଥିବା ପ୍ରାଥମିକ ତଦନ୍ତରୁ ଜଣାପଡିଛି। ଯୁବକ ଜଣକ ବାନ୍ଧମୁଣ୍ଡାର ତିଲକ ନଗରର ଜ୍ଞାନେନ୍ଦ୍ର ସ୍ୱାଇଁ ବୋଲି ଜଣାପଡିଥିବା ବେଳେ ଯୁବତୀଙ୍କ ପରିଚୟ ବର୍ତ୍ତମାନ ସୁଦ୍ଧା ମିଳିପାରିନାହିଁ। ତେବେ କେଉଁ ସ୍ଥିତିରେ ଉଭୟ ବ୍ରାହ୍ମଣୀ ନଦୀକୁ ଗଲେ ? ଯୁବକ-ଯୁବତୀ ବୁଡ଼ି କି ପ୍ରାଣ ହରାଇଛନ୍ତି ନା ଆତ୍ମହତ୍ୟା କରିଛନ୍ତି ? ତା'ର କାରଣ ଏ ପର୍ଯ୍ୟନ୍ତ ଜଣା ପଡ଼ିନି ।
https://www.thesakala.in/latest-odisha-news/bodies-of-young-man-and-woman-recovered-from-brahmani-river/article-43733
About The Author
