ମନୋରଞ୍ଜନ
ଓଡ଼ିଶା
25 Jun 2021
By The Sakala
ୟୁନିଟ-୧ ଭିତର ହାଟକୁ ସିଲ୍ କଲା ବିଏମସି, ଜୁଲାଇ ୧ ଯାଏଁ ଉଭୟ ହୋଲସେଲ୍ ଓ ଖୁଚୁରା ବ୍ୟବସାୟ ବନ୍ଦ
ଭୁବନେଶ୍ୱର: ରାଜଧାନୀର ୟୁନିଟ-୧ ଭିତର ହାଟକୁ ସିଲ୍ କରାଯାଇଛି । କୋଭିଡ୍ ନିୟମ ଉଲ୍ଲଂଘନ ଯୋଗୁଁ ୟୁନିଟ-୧ ଭିତର ହାଟକୁ ସିଲ୍ କରି ଦେଇଛି ବିଏମସି । ଗତ ୨୩ ତାରିଖରେ ୧ ନମ୍ବର ହାଟରେ ଅସମ୍ଭାଳ ଭିଡ଼ ପରିଲକ୍ଷିତ ହୋଇଥିଲା । କୋଭିଡ୍ ସଂକ୍ରମଣକୁ ଦୃଷ୍ଟିରେ ରଖି ବିଏମସି ପକ୍ଷରୁ ଏଭଳି ପଦକ୍ଷେପ ନିଆଯାଇଛି । ଜୁଲାଇ ୧ ତାରିଖ ଯାଏ ଉଭୟ ସମସ୍ତ ହୋଲସେଲ୍ ଓ ଖୁଚୁରା ବ୍ୟବସାୟୀଙ୍କ ପାଇଁ ବନ୍ଦ ରହିବ । ଏନେଇ ବିଏମସି ପକ୍ଷରୁ ସୂଚନା ଦିଆଯାଇଛି । ୟୁନିଟ-୧ ଭିତର ହାଟ ଭିତରେ କୌଣସି ବି ଦୋକାନ ଖୋଲିବ ନାହିଁ । ଏହି ନିର୍ଦ୍ଦେଶକୁ ତୁରନ୍ତ କାର୍ୟ୍ୟକାରୀ କରିବାକୁ ବିଏମସି ନିର୍ଦ୍ଦେଶ ଦେଇଛି ।
https://www.thesakala.in/latest-odisha-news/bmc-sealed-unit-1-market/article-3224
About The Author
