ମନୋରଞ୍ଜନ
ଓଡ଼ିଶା
ନବୀନଙ୍କ କାର୍ଯ୍ୟର ନାଁ ନେଇ ବାହାବା ନେବାକୁ ଚେଷ୍ଟା କରୁଛି ବିଜେପି: ସଂତୃପ୍ତ ମିଶ୍ର
ଭୁବନେଶ୍ବର: IOCL ସହିତ ପାରାଦୀପରେ ହେବାକୁ ଥିବା ପ୍ରକଳ୍ପ ଲାଗି ଚୁକ୍ତି ପ୍ରସଙ୍ଗରେ ରାଜ୍ୟ ସରକାରଙ୍କ ଉପରେ ବର୍ଷିଲା ବିଜେଡି । ଏନେଇ ପ୍ରତିକ୍ରିୟା ରଖିଛନ୍ତି ବରିଷ୍ଠ ବିଜେଡି ନେତା ସଂତୃପ୍ତ ମିଶ୍ର । କହିଲେ, IOCL ସହିତ ପାରାଦୀପରେ ହେବାକୁ ଥିବା ପ୍ରକଳ୍ପ ଲାଗି ଚୁକ୍ତି ହୋଇଛି । ୨୦୧୮ ଜାନୁଆରୀ ୧୧ ତାରିଖରେ ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏବାବଦରେ ପ୍ରଧାନମନ୍ତ୍ରୀଙ୍କୁ ଚିଠି ଲେଖିଥିଲେ । ୨୦୧୯ରେ IOCL ନିବେଶ ପାଇଁ ପ୍ରସ୍ତାବ ଗ୍ରହଣ କରିଥିଲା ।
ଆହୁରି ସେ କହିଛନ୍ତି, ୨୦୨୩ରେ ରାଜ୍ୟ ସରକାର ତାଙ୍କୁ ସୁବିଧା ସୁଯୋଗ ଯୋଗାଇ ଦେବା ପାଇଁ ସମସ୍ତ ବ୍ୟବସ୍ଥା କରିଥିଲେ । ଏନେଇ ତତ୍କାଳୀନ ସଚିବ ଗଣମାଧ୍ୟମକୁ ଜଣାଇଥିଲେ । ରାଜ୍ୟ ସରକାର କିଛି ନୂଆ ନକରି ନବୀନଙ୍କ କାର୍ଯ୍ୟର ନାଁ ନେଇ ବାହାବା ନେବାକୁ ଚେଷ୍ଟା କରୁଛି ବୋଲି କହିଛନ୍ତି ସଂତୃପ୍ତ ମିଶ୍ର ।
About The Author
