ମନୋରଞ୍ଜନ
ଓଡ଼ିଶା
ବାଲିଅନ୍ତାରେ ପୁଣି ବର୍ବରତା; ଯୁବକଙ୍କୁ ପିଟିପିଟି ହତ୍ୟା ଉଦ୍ୟମ, ଥାନା ଘେରାଉ କଲେ ଗ୍ରାମବାସୀ
ବାଲିଅନ୍ତା: ପୁଣି ବାଲିଅନ୍ତାରେ ବର୍ବରତା। ସୌମ୍ୟଙ୍କ ଭିଡ ହିଂସା ହତ୍ୟା ଘଟଣା ତଦନ୍ତ ଏଯାଏଁ ଚାଲୁ ରହିଥିବା ବେଳେ ପୁଣି ଥରେ ଆଉ ଜଣେ ଯୁବକଙ୍କୁ ମରଣାନ୍ତକ ଆକ୍ରମଣ ହୋଇଛି। ବ୍ରାହ୍ମଣଷଡ଼ଙ୍ଗୀ ଗାଁର ଜଣେ ଯୁବକଙ୍କୁ ପିଟି ପିଟି ହତ୍ୟା ଉଦ୍ୟମ ଅଭିଯୋଗ । ଗୁରୁତର ଅବସ୍ଥାରେ ଏବେ ହସ୍ପିଟାଲ ବେଡରେ ଜୀବନ ସହ ସଂଘର୍ଷ କରୁଛନ୍ତି ଯୁବକ ଲକ୍ଷ୍ମୀଧର ସ୍ବାଇଁ । ଏହାକୁ ବିରୋଧ କରି ଗ୍ରାମବାସୀ ଥାନାକୁ ଘେରାଉ କରିଛନ୍ତି।
ଗତ ରବିବାର ସଂଧ୍ୟାରେ ବ୍ରାହ୍ମଣଷଡ଼ଙ୍ଗୀ ଛକ ନିକଟରେ ଲକ୍ଷ୍ମୀଧରଙ୍କୁ କିଛି ନିଶାସକ୍ତ ଯୁବକ ରଡରେ ପିଟି ପିଟି ଫିଙ୍ଗି ଦେଇଥିଲେ । ଯୁବକଙ୍କ ଅବସ୍ଥା ଗୁରୁତର ଥିବା ସହ କୋମାରେ ରହି ଘରୋଇ ହସ୍ପିଟାଲରେ ତାଙ୍କ ଚିକିତ୍ସା କରାଯାଉଛି। ରବିବାର ଠାରୁ ଘଟଣା ଘଟିଥିଲେ ବି ବାଲିଅନ୍ତା ପୋଲିସ ଏପର୍ଯ୍ୟନ୍ତ କାହିଁକି ଆକ୍ସନକୁ ଆସିନି ? କାହିଁକି ଅଭିଯୁକ୍ତଙ୍କୁ ଧରିବାରେ ସକ୍ଷମ ହୋଇନି ପୋଲିସ । ପୁଲିସର ଭୂମିକାରେ ଅସନ୍ତୁଷ୍ଟ ଷଡଙ୍ଗୀ ଗ୍ରାମବାସୀ ଥାନା ଘେରାଉ କରିଛନ୍ତି। ଅଭିଯୁକ୍ତଙ୍କୁ ତୁରନ୍ତ ଗିରଫ କରିବାକୁ ଗ୍ରାମବାସୀ ଦାବି କରିଛନ୍ତି।
About The Author
