ମନୋରଞ୍ଜନ
ଓଡ଼ିଶା
ରାୟଗଡ଼ାରେ ଆଉ ଜଣେ ରୁଷୀୟ ପର୍ଯ୍ୟଟକଙ୍କ ସନ୍ଦେହଜନକ ମୃତ୍ୟୁ, ଆତ୍ମହତ୍ୟା ସନ୍ଦେହ
ରାୟଗଡ଼ା: ଓଡିଶା ବୁଲିବାକୁ ଆସିଥିବା ଆଉ ଜଣେ ରୁଷୀୟ ପର୍ଯ୍ୟଟକଙ୍କ ସନ୍ଦେହଜନକ ମୃତ୍ୟୁ । ଅସୁସ୍ଥତା କାରଣରୁ ଗୁରୁବାର ସଂଧ୍ୟାରେ ଋଷୀୟ ପର୍ଯ୍ୟଟକ ବ୍ଲାଡିମିର୍ ବିଦାନୋଭାଙ୍କ ମୃତ୍ୟୁ ହୋଇଥିବା ବେଳେ ଆଜି ସଂଧ୍ୟାରେ ଆଉ ଜଣେ ପର୍ଯ୍ୟଟକ ପାୱେଲ୍ ଆନ୍ଥେମ (୬୫) ଙ୍କ ମୃତ୍ୟୁ ହୋଇଛି। ଦୁଇ ଦିନ ବ୍ୟବଧାନରେ ଦୁଇ ଜଣ ଋଷ ପର୍ଯ୍ୟଟକଙ୍କ ମୃତ୍ୟୁ ଘଟଣା ଜିଲ୍ଲା ପୁଲିସ୍ ସହ ପ୍ରଶାସନକୁ ଚିନ୍ତାରେ ପକାଇଛି।
ସୂଚନା ଅନୁସାରେ, ରାୟଗଡ଼ାର ଏକ ଘରୋଇ ହୋଟେଲରେ ରହୁଥିବା ଋଷୀୟ ପର୍ଯ୍ୟଟକ ପାୱେଲ୍ ଆନ୍ଥେମ୍ ହୋଟେଲ ଛାତରୁ ଡେଇଁ ଆତ୍ମହତ୍ୟା କରିଥିବା ସନ୍ଦେହ କରାଯାଉଛି । ଘଟଣା ବିଷୟରେ ଜାଣିବା ପରେ ତାଙ୍କ ଗାଇଡ ଜିଲ୍ଲା ମୁଖ୍ୟ ଚିକିତ୍ସାଳୟକୁ ଫୋନ କରି ଆମ୍ବୁଲାନ୍ସ ସେବା ଡକାଇ ତୁରନ୍ତ ମେଡିକାଲକୁ ସ୍ଥାନାନ୍ତର କରିଥିଲେ । ମେଡିକାଲ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଆଗରୁ ଅନ୍ୟ ଜଣେ ପର୍ଯ୍ୟଟକଙ୍କ ମୃତ୍ୟୁ ଘଟିଥିଲା । ତାଙ୍କର ଅନ୍ତିମ ସଂସ୍କାର କରିସାରି ଫେରିବା ପରେ ଏହି ରୁଷ୍ ପର୍ଯ୍ୟଟକ ଜଣକ ହୋଟେଲର ତିନି ମହଲାରୁ ଡେଇଁ ପଡ଼ିଥିଲେ ।
About The Author
