ସତକୋଶିଆ: ଅନଗୁଳ ବ୍ଲକ ଅନ୍ତୁଳିଆ, ଟାଇଁସୀ, କଠୋଭୋଇ, ଜଗନ୍ନାଥପୁର, ପୁରୁଣାକୋଟ, ଟିକରପଡା ପଞ୍ଚାୟତର ସମସ୍ତ ଗ୍ରାମକୁ ଜରପଡା ବିଦ୍ଯୁତ ବିଭାଗ ଲାଇନ ଦେଇଥିଲେ ମଧ୍ୟ ବିଦ୍ଯୁତବିଭାଗ ଓ ବନବିଭାଗର ଖାମଖିଆଲି ମନୋଭାବ ଯୋଗୁଁ  ସତକୋଶିଆ ଅଧିକାଂଶ ସମୟ ଅନ୍ଧାର ଘେରରେ ରହୁଥିବା ଅଞ୍ଚଳବାସୀ ଅଭିଯୋଗ କରିଛନ୍ତି।

ସୂଚନା ଅନୁଯାୟୀ, ସନ୍ଧ୍ୟା ହେଲେ ବନବିଭାଗ ହାତୀ ପାଇଁ ପାଟ୍ରୋଲଙ୍ଗିକୁ ନ ଯାଇ ହାତୀ ଅଛନ୍ତି କହି ଲାଇନ କାଟି ଦେଉଛନ୍ତି। ଯାହା ଫଳରେ କି ଅଞ୍ଚଳବାସୀ ଅନ୍ଧାରରେ ଜୀବନ କାଟୁଛନ୍ତି। ଆଜି ଛେଣ୍ଡିପଦା ବନବିଭାଗର ଉପର କର୍ମଚାରୀଙ୍କୁ ପଚାରିବାରୁ ସେ କହିଛନ୍ତି, ରଥଯାତ୍ରା ପରେ ବନବିଭାଗ ସହ ବୈଠକ କରି ଏହାର ସମାଧାନ କରାଯିବ ଏବଂ ବନବିଭାଗ ଯଥା ଶ୍ରୀଘ୍ର କେବୁଲ ପକାଇବ। ସେପରିକି ବିଦ୍ଯୁତ ବିଭାଗର କନିଷ୍ଠ ଯନ୍ତ୍ରୀଙ୍କୁ ପଚାରିବାରୁ ସେ କହିଛନ୍ତି ଯେ, ବନବିଭାଗ ଓ ବିଦ୍ଯୁତ ବିଭାଗର ମୋବାଇଲରେ ଏକ ଗ୍ରୁପ କରାଯାଇଛି। ହାତୀ ନ ଥିଲେ ମଧ୍ୟ୍ୟ ସେ ହାତୀ ଅଛନ୍ତି କହି ଗ୍ରୁପୁରେ ପକଉଛନ୍ତି। ଯାହାଫଳରେ ବିଦ୍ଯୁତ କାଟ୍ କାରାଯାଉଛି। ଏଥିପାଇଁ ପିଲାଙ୍କ ପାଠ ପଢ଼ା ସହ ସତକୋଶିଆରେ ରହୁଥିବା ବାହାର ପର୍ଯ୍ଯଟଙ୍କ ମଧ୍ୟ ବହୁତ ଅସୁବିଧା ସମ୍ମୁଖୀନ ହଉଛନ୍ତି ବୋଲି ଅନ୍ତୁଳିଆ ସରପଞ୍ଚ ମଧୁସ୍ମିତା ସାହୁ, ଟାଇଁସୀ ସରପଞ୍ଚ ସୌଦାମିନୀ ପ୍ରଧାନ, କୋଠଭୁଇ ସରପଞ୍ଚ ଜୟନ୍ତୀ ବେହେରା ସହ ସତକୋଶିଆର ଯୁବ ନେତା ସହ ମତ ପ୍ରକାଶ କରିଛନ୍ତି। ଲୋକମାନେ ଠିକ ସମୟରେ ବିଦ୍ୟୁତ ବିଲ୍ ଭରୁଥିବା ବେଳେ ମାତ୍ର  ୧୨ ଘଣ୍ଟାରୁ ୬ଘଣ୍ଟା ଲାଇନ ପାଉଛନ୍ତି। କେବଳ ଦିନରେ ଲାଇନ ରହୁଛି, ରାତିରେ ବିଦ୍ୟୁତ ବିଭାଗ ଲାଇନ କାଟି ନିଜେ ଆରମରେ ରହୁଥିବା ବେଳେ ସାଧାରଣ ଲୋକଙ୍କୁ  ହନ୍ତସନ୍ତ କରୁଛି। ସତକୋଶିଆବାସୀ ବନବିଭାଗ ଓ ବିଦ୍ୟୁତ ବିଭାଗକୁ ଏହାର ଶୀଘ୍ର ସମାଧାନ କରିବାକୁ ଦାବି କରିଛନ୍ତି। ଯଦି ଏହି ସମସ୍ଯାର ସମାଧାନ ନ ହୁଏ ତେବେ ସାତକୋଶିଆ ବାସୀ ରାଜରାସ୍ତାକୁ ଓଲ୍ହାଇବେ ବୋଲି ଅଞ୍ଚଳବସୀ କହିଛନ୍ତି।