ମନୋରଞ୍ଜନ
ଓଡ଼ିଶା
04 Jun 2023
By The Sakala
ସ୍ନାନମଣ୍ଡପରେ ମହାପ୍ରଭୁଙ୍କୁ ଦର୍ଶନବେଳେ ଅସୁସ୍ଥ ହୋଇପଡିଲେ ଭକ୍ତ, ଡାକ୍ତରଖାନାରେ ମୃତ୍ୟୁ
ପୁରୀ: ଶ୍ରୀମନ୍ଦିରରେ ଅଘଟଣ । ସ୍ନାନବେଦୀରେ ମହାପ୍ରଭୁଙ୍କ ଦର୍ଶନ କରି ଫେରିବାବେଳେ ଅଣନିଶ୍ୱାସୀ ହୋଇ ଟଳିପଡିଲେ ଜଣେ ଶ୍ରଦ୍ଧାଳୁ । ମୃତକ ଜଣକ ହେଲେ ରାଜସ୍ଥାନର ଅମ୍ବାଲାଲ ଭୋଇ( ୪୮) । ପରିବାର ସହ ଦର୍ଶନ କରିବାକୁ ଆସିଥିବା ବେଳେ ସ୍ନାନମଣ୍ଡପ ନିକଟରେ ସେ ଅସୁସ୍ଥ ଅନୁଭବ କରିଥିଲେ । ପରେ ପୁଲିସ ଅମ୍ବାଲାଲଙ୍କୁ ଉଦ୍ଧାର କରି ମେଡିକାଲ ଆଣିଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଅମ୍ବାଲାଲଙ୍କ ସହ ତାଙ୍କ ପତ୍ନୀ ଓ ପରିବାରର ଅନ୍ଯ ସଦସ୍ଯ ଥିଲେ। ଅମ୍ବାଲାଲ ଏଲଆଇସିରେ ଏଲଡିସି ଭାବେ କାର୍ଯ୍ୟ କରୁଥିଲେ । ସିଂହଦ୍ୱାର ଥାନା ପୁଲିସ ଡାକ୍ତରଖାନାରୁ ଶବ ଜବତ କରିଛି।
ଏହାସହିତ ଅନ୍ୟ ଦୁଇ ଜଣ ଶ୍ରଦ୍ଧାଳୁ ମଧ୍ୟ ଗୁରୁତର ହୋଇଛନ୍ତି । ସେମାନଙ୍କୁ ଗୁରୁତର ଅବସ୍ଥାରେ ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି । ପୁରୀରେ ପ୍ରବଳ ଗରମ ଓ ଗୁଳୁଗୁଳି ଯୋଗୁଁ ଏଭଳି ଅଘଟଣ ଘଟିଥିବା ସନ୍ଦେହ କରାଯାଉଛି।
https://www.thesakala.in/latest-odisha-news/a-devotee-died-near-snana-mandap-in-puri/article-22294
About The Author
