ମନୋରଞ୍ଜନ
ଓଡ଼ିଶା
12 Sep 2021
By The Sakala
ରାଜଧାନୀ ଉପକଣ୍ଠସ୍ଥ ଧଉଳିରେ ଡେଲିଭରି ବୟକୁ ଅପହରଣ
ଭୁବନେଶ୍ୱର: ଭୁବନେଶ୍ୱର ନିକଟସ୍ଥ ଧଉଳି ଅଂଚଳରେ ଘଟିଛି ଏକ ଚାଂଚଲ୍ୟକର ଘଟଣା । ବିଳମ୍ବିତ ରାତିରେ ଜଣେ ଡେଲିଭରି ବୟକୁ ଅପହରଣ ହୋଇଥିବା ଅଭିଯୋଗ ହୋଇଛି । ଡେଲିଭରି ବୟଙ୍କ ନାମ ପତିତପାବନ ପୃଷ୍ଟି ବୋଲି ଜଣାପଡିଛି । ଅପହରଣ ନେଇ ପରିବାର ଲୋକଙ୍କୁ ଭଏସ ମେସେଜରେ ସୂଚନା ଦେଇଥିଲେ ପତିତପାବନ । ପରିବାର ଲୋକଙ୍କ ଅଭିଯୋଗ ପରେ ପୋଲିସ ତଦନ୍ତ ଆରମ୍ଭ କରିଛି । ଲିଙ୍ଗିପୁର ପାଖ ଦୟାନଦୀ ରାସ୍ତା ନିକଟରୁ ଡେଲିଭରି ବୟଙ୍କ ଚପଲ, ବ୍ୟାଗ୍, ଗଞ୍ଜି ଓ ଏକ ଛୁରି ମିଳିଥିବା ସୂଚନା ମିଳିଛି ।
ତେବେ କେଉଁ ପରିସ୍ଥିତିରେ ଓ କିଭଳି ଭାବେ ତାଙ୍କୁ ଅପହରଣ କରାଯାଇଛି, ସେ ନେଇ କିଛି ସ୍ପଷ୍ଟ ହୋଇନି । ଅପହରଣର କାରଣ ଅସ୍ପଷ୍ଟ ରହିଥିବା ଧଉଳି ଥାନା ପୋଲିସ ଘଟଣାର ତଦନ୍ତ କରୁଛି । ପତିତପାବନଙ୍କ ପତ୍ନୀଙ୍କ ଅଭିଯୋଗ ଅନୁଯାୟୀ, ସ୍ୱାମୀଙ୍କୁ କିଛି ନିଶାସକ୍ତ ଯୁବକ ଅପହରଣ କରି ନେଇଛନ୍ତି । ପତିତପାବନଙ୍କ ମୋବାଇଲ୍ ମଧ୍ୟ ସ୍ୱିଚ୍ ଅଫ୍ ରହିଛି ।
https://www.thesakala.in/latest-odisha-news/a-delivery-boy-allegedly-kidnapped-from-bhubaneswars-dhauli/article-5346
About The Author
