ମନୋରଞ୍ଜନ
ଓଡ଼ିଶା
27 Jun 2021
By The Sakala
ପୁଣି ଆରମ୍ଭ ହେଲା ‘ପଠାନ୍’ର ସୁଟିଂ
ବଲିଉଡ୍ ବାଦଶାହ ଶାହାରୁଖ୍ ଖାନ୍ ତାଙ୍କର ଆଗାମୀ ଫିଲ୍ମ ‘ପଠାନ୍’ର ସୁଟିଂ ପୁଣିଥରେ ଆରମ୍ଭ କରିଛନ୍ତି । ଏହି ଫିଲ୍ମରେ ଶାହାରୁଖ୍ ଜଣେ ଗୁପ୍ତଚର ଭାବରେ ନଜର ଆସିବେ । ଏହାର ସୁଟିଂ କରୋନା ମହାମାରୀର ଦ୍ବିତୀୟ ଲହର ପୂର୍ବରୁ ଆରମ୍ଭ ହୋଇଥିଲା । ଯେତେବେଳେ ମହାରାଷ୍ଟ୍ରରେ କରୋନାର ପ୍ରକୋପ ଆରମ୍ଭ ହେଲା ଯଶରାଜ ବ୍ୟାନର୍ ଫିଲ୍ମ ସୁଟିଂକୁ ରୋକି ଦେଇଥିଲା । ଏବେ କରୋନା ସଂକ୍ରମଣର ପ୍ରଭାବ କମୁଥିବାରୁ ପୁଣିଥରେ ଏହାର ସୁଟିଂ ଆରମ୍ଭ କରିବା ପାଇଁ ପ୍ରଯୋଜନା ସଂସ୍ଥା ନିଷ୍ପତ୍ତି ନେଇଛି । ଇତିମଧ୍ୟରେ ସୁଟିଂ ସେଟ୍ରୁ କାର ସହିତ ଶାହାରୁଖଙ୍କ କିଛି ଫଟୋ ଭାଇରାଲ୍ ହୋଇଛି । ଏଥିରେ ଶାହାରୁଖଙ୍କ ବ୍ୟତୀତ ଦୀପିକା ପାଦୁକୋନ୍, ଜନ୍ ଆବ୍ରାହମ୍ ଡିମ୍ପଲ କପାଡ଼ିଆ ନଜର ଆସିବେ । ବହୁତ ଜଲ୍ଦି ଦୀପିକା ଓ ଜନ୍ ଶାହାରୁଖଙ୍କ ସହିତ ସୁଟିଂରେ ଯୋଗଦେବେ ବୋଲି ଜଣାପଡିଛି ।
https://www.thesakala.in/entertainment/the-shooting-of-pathan-has-resumed/article-3262
About The Author
