ଧନୁଷ୍‌ଙ୍କ ‘କୁବେର’ ଫିଲ୍ମର ଲୁକ୍‌ ସେୟାର୍‌ କଲେ ରଶ୍ମିକା

ସାଉଥ୍‌ର ଲୋକପ୍ରିୟ ଅଭିନେତା ଧନୁଷ୍‌ ବଲିଉଡ୍‌ରେ ମଧ୍ୟ ତାଙ୍କ ଅଭିନୟର ଯାଦୁ ଦେଖାଇଛନ୍ତି। କେବଳ ଭାରତରେ ନୁହେଁ, ବିଦେଶରେ ମଧ୍ୟ ତାଙ୍କର ଲକ୍ଷ ଲକ୍ଷ ପ୍ରଶଂସକ ରହିଛନ୍ତି। ନିକଟରେ ମୁକ୍ତିଲାଭ କରିଥିବା ତାଙ୍କ ଫିଲ୍ମ ‘ରାୟନ୍’ ବେଶ୍ ଭଲ ପ୍ରଦର୍ଶନ କରିଛି। ଇତିମଧ୍ୟରେ ଧନୁଷ୍‌ଙ୍କ ୪୧ତମ ଜନ୍ମଦିବସ ଅବସରରେ ତାଙ୍କର ‘କୁବେର’ ଫିଲ୍ମର ଲୁକ୍‌କୁ ସାମାଜିକ ଗଣମାଧ୍ୟମରେ ସେୟାର୍‌ କରାଯାଇଥିଲା। ‘କୁବେର’ରେ ନାୟିକା ଭାବେ ସାଉଥ୍‌ର ଲୋକପ୍ରିୟ ଅଭିନେତ୍ରୀ ରଶ୍ମିକା ମନ୍ଦାନା ଦେଖାଯିବେ। ନିଜେ ରଶ୍ମିକା, ଧନୁଷ୍‌ଙ୍କର ଫଟୋ ସେୟାର୍‌ କରି ଲେଖିଛନ୍ତି, ‘ଧନୁଷ୍‌ ସାର୍‌ ! ଆପଣଙ୍କୁ ଜନ୍ମଦିନର ଅନେକ ଅନେକ ଶୁଭକାମନା। ଆମ ଦୁଇଜଣଙ୍କର ଏକାଠି କୌଣସି ଫଟୋ ନାହିଁ। ଆମର ଫିଲ୍ମ ବି ଏପରି ସ୍ଥାନରେ ସବୁ ସୁଟ୍‌ ହୋଇଛି, ତାହା ଫଟୋଜେନିକ୍‌ ନୁହେଁ। ତେଣୁ ଏହି ଫଟୋ ଜରିଆରେ ମୁଁ ଆପଣଙ୍କୁ ଶୁଭକାମନା ଜଣାଉଛି।’ ଶେଖର କମୁଲା ଏହି ଫିଲ୍ମର ନିର୍ଦ୍ଦେଶନା ଦେଇଛନ୍ତି। ଗତ ମାର୍ଚ୍ଚ ୮ ତାରିଖରେ ଏହି ଫିଲ୍ମ ବିଷୟରେ ଘୋଷଣା କରାଯାଇଥିଲା। ଚଳିତ ମାସ ଆରମ୍ଭରେ ଫିଲ୍ମରେ ରଶ୍ମିକାଙ୍କ ଲୁକ୍‌ ସେୟାର୍‌ କରାଯାଇଥିଲା। ‘କୁବେର’ ତାମିଲ୍‌, ତେଲୁଗୁ, ହିନ୍ଦୀ, ମଲାୟାଲମ୍‌ ଏବଂ କନ୍ନଡ଼ ଭାଷାରେ ରିଲିଜ୍ ହେବ। ଧନୁଷ୍‌ ଏଥିରେ ଡବଲ ରୋଲରେ ଦେଖାଯିବେ। ଗୋଟିଏ ଭୂମିକାରେ ସେ କରୋଡ଼ପତି ଓ ଅନ୍ୟ ଭୂମିକାରେ ସେ ଭିକାରି ଭୂମିକାରେ ଦେଖାଯିବେ।

Happiest birthday to you @dhanushkraja sir! 🔥😁#Kubera
I love this poster ! 💃🏻 pic.twitter.com/yHKMhpcQiX

ଆହୁରି ପଢ଼ନ୍ତୁ: ପଦ୍ମ ଭୂଷଣ ସମ୍ମାନ ଗ୍ରହଣ ପରେ ୨ ବର୍ଷର ନୀରବତା ଭାଙ୍ଗିଲେ ଅଲକା ୟାଗ୍ନିକ୍, ଶ୍ରବଣ ଶକ୍ତି ହରାଇବା ନେଇ ଦେଲେ ଭାବବିହ୍ୱଳ ବାର୍ତ୍ତା

— Rashmika Mandanna (@iamRashmika) July 28, 2024

ଆହୁରି ପଢ଼ନ୍ତୁ: 'ଦୃଶ୍ୟମ୍: ଦ କନକ୍ଲୁଜନ୍' ହେବ ଅଜୟ ଦେବଗନଙ୍କ ଶେଷ 'ଦୃଶ୍ୟମ୍', ମୋହନଲାଲଙ୍କ ଫିଲ୍ମ ଠାରୁ କାହିଁକି ଭିନ୍ନ ରହିବ କାହାଣୀ?