ମନୋରଞ୍ଜନ
ଓଡ଼ିଶା
ବଲିଉଡ୍ ଅଭିନେତା ଭିକି କୌଶଲ ଓ କ୍ୟାଟ୍ରିନା କୈଫ୍ଙ୍କ ନିର୍ବନ୍ଧ ଏକ ଗୁଜବ !
ସୋସିଆଲ ମିଡିଆରେ ଏବେ ବଲିଉଡ୍ ଅଭିନେତା ଭିକି କୌଶଲ ଓ ଅଭିନେତ୍ରୀ କ୍ୟାଟ୍ରିନା କୈଫ୍ଙ୍କ ନିର୍ବନ୍ଧ ପର୍ବ ଖବର ବେଶ୍ ଭାଇରାଲ୍ ହେଉଛି। କ୍ୟାଟ୍ ଓ ଭିକିଙ୍କ ଗଣମାଧ୍ୟମ ଅଗୋଚରରେ ନିର୍ବନ୍ଧପର୍ବ ଅନୁଷ୍ଠିତ ହୋଇଛି। କେବଳ ସେମାନଙ୍କ ବିବାହ ସମ୍ପର୍କରେ ଔପଚାରିକ ଘୋଷଣା କରିବା ବାକି ଅଛି ବୋଲି ଏବେ ସୋସିଆଲ ମିଡିଆରେ ଚର୍ଚ୍ଚା। ଏହି ଖବର ଯଦିଓ ଭିକି ଓ କ୍ୟାଟ୍ଙ୍କ ପ୍ରଶଂସକଙ୍କୁ ଖୁସି ଖବର ଆଣି ଦେଇଛି କିନ୍ତୁ ଏହି ଯୋଡ଼ିଙ୍କ ନିକଟ ସମ୍ପର୍କୀୟମାନେ ଏହାକୁ ଗୁଜବ ବୋଲି କହୁଛନ୍ତି। ଏହି ଖବର ସୋସିଆଲ ମିଡିଆରେ ଚର୍ଚ୍ଚା ହେବା ପରେ ଏସମ୍ପର୍କରେ ଭିକିଙ୍କ ପିତା ତଥା ବଲିଉଡ୍ର ଜଣାଶୁଣା ନିର୍ଦ୍ଦେଶକ ଶ୍ୟାମ କୌଶଲ କହିଛନ୍ତି ଯେ, ଏଥିରେ କୌଣସି ସତ୍ୟତା ନାହିଁ। ଏହା କେବଳ ଏକ ଗୁଜବ। ବହୁତ ଦିନରୁ ଭିକି ଓ କ୍ୟାଟ୍ରିନାଙ୍କ ଡେଟିଂ ଖବର ପ୍ରକାଶ ପାଇଲେ ସୁଦ୍ଧା ଏସମ୍ପର୍କରେ ଏହି ଯୋଡ଼ି ଏଯାବତ୍ ମୁହଁ ଖୋଲିନାହାନ୍ତି। କ୍ୟାଟ୍ରିନା ବହୁତ ଜଲ୍ଦି ‘ଟାଇଗର୍-୩’ରେ ନଜର ଆସିବେ। ଯାହାର ସୁଟିଂ ପାଇଁ ସେ ଏଥିରେ ଅଭିନୟ କରୁଥିବା ଅଭିନେତା ସଲମାନ୍ ଖାନ୍ଙ୍କ ସହ ବିଦେଶ ଯାଇଛନ୍ତି। ‘ଟାଇଗର୍-୩’ରେ ଶାହାରୁଖ୍ ଖାନ୍ ଅତିଥି କଳାକାର ଭାବେ ନଜର ଆସିବେ।
About The Author
