ମୁମ୍ବଇ : ବଲିଉଡ ସୁପରଷ୍ଟାର ସଲମାନ୍ ଖାନ୍‌ଙ୍କ ବହୁଚର୍ଚ୍ଚିତ ଫିଲ୍ମ ‘ରାଧେ: ୟୋର୍ ମୋଷ୍ଟ ଓ୍ଵାଣ୍ଟେଡ୍ ଭାଇ’ ରିଲିଜ ତାରିଖ ସାମ୍ନାକୁ ଆସିଛି। ଇଦ୍‌ ଅବସରରେ ମେ’୧୩ରେ ଫିଲ୍ମଟି ରିଲିଜ ହେବ। ଭାଇଜାନ ନିଜେ ଟୁଇଟରରେ ଏକ ଫଟୋ ପୋଷ୍ଟ କରି ଏହି ସୂଚନା ଦେଇଛନ୍ତି।

ପୂର୍ବରୁ ‘ରାଧେ’ର ରିଲିଜ୍‌କୁ ନେଇ ନାନା କଳ୍ପନାଜଳ୍ପନା ପ୍ରକାଶ ପାଇଥିଲା। ଓଟିଟି ପ୍ଲାଟ୍‌ଫର୍ମରେ ଏହା ରିଲିଜ୍ ହୋଇପାରେ ବୋଲି କୁହାଯାଉଥିଲା। ତେବେ ସିନେମା ହଲ୍‌ରେ ଫିଲ୍ମ ରିଲିଜ୍ ହେବା ନେଇ ଖବର ଆସିବା ପରେ ସଲମାନ୍‌ଙ୍କ ପ୍ରଶଂସକମାନେ ଉତ୍ସାହିତ ହୋଇପଡ଼ିଛନ୍ତି।

Eid ka commitment tha, Eid par hi aayenge kyun ki ek baar jo maine…….#RadheOn13thMay #2MonthsToRadhe@bindasbhidu @DishPatani @RandeepHooda @PDdancing @SKFilmsOfficial @ZeeStudios_ @SohailKhan @atulreellife @ReelLifeProdn @ZeeMusicCompany pic.twitter.com/mvBxUJPSFp

ଆହୁରି ପଢ଼ନ୍ତୁ: 'ହୈ ଜୱାନୀ ତୋ ଇସ୍କ ହୋନା ହୈ' : ୯୦ ଦଶକର ପୁରୁଣା କମେଡିରେ ଫସିଗଲେ ବରୁଣ ଧୱନ, ଦର୍ଶକ ନିରାଶ!

— Salman Khan (@BeingSalmanKhan) March 13, 2021

ଲକ୍‌ଡାଉନ୍ ଜାରି ହେବା ପୂର୍ବରୁ ସଲମାନ୍‌ଙ୍କ ‘ରାଧେ: ୟୋର୍ ମୋଷ୍ଟ ଓ୍ଵାଣ୍ଟେଡ୍ ଭାଇ’କୁ ରିଲିଜ୍ କରିବା ପାଇଁ ଯୋଜନା ହୋଇଥିଲା। କିନ୍ତୁ କରୋନା ମହାମାରୀ ଯୋଗୁଁ ତାହା ସମ୍ଭବ ହୋଇପାରିଲା ନାହିଁ।

ସଲମାନ୍‌ ଖାନ୍ ଫିଲ୍ମସ୍ ବ୍ୟାନରରେ ପ୍ରସ୍ତୁତ ଏହି ଫିଲ୍ମକୁ ଡ୍ୟାନ୍ସ ମାଷ୍ଟର ପ୍ରଭୁ ଦେବା ନିର୍ଦ୍ଦେଶନା ଦେଇଥିବା ବେଳେ ସଲମାନ୍ ଖାନ୍, ସୋହେଲ ଖାନ୍ ଓ ଅତୁଲ ଅଗ୍ନିହୋତ୍ରି ପ୍ରଯୋଜନା ଦାୟିତ୍ଵରେ ଅଛନ୍ତି। ଏଥିରେ ସଲମାନ୍ ଓ ଦିଶା ପଟାନୀ ମୁଖ୍ୟ ଭୂମିକାରେ ନଜର ଆସିବେ। ଏହାଛଡ଼ା ଜ୍ୟାକି ସ୍ରଫ୍ ଓ ରଣଦୀପ ହୁଡ଼ାଙ୍କୁ ମଧ୍ୟ ପ୍ରମୁଖ ଭୂମିକାରେ ଦେଖିବାକୁ ମିଳିବ।