ସ୍ୱାମୀର ତଣ୍ଟିକାଟି ହତ୍ଯାକଲା ଦ୍ୱିତୀୟ ସ୍ତ୍ରୀ !

By The Sakala

Published On Feb 09, 2022 04:38 PM IST

ଆଠଗଡ଼: କଟକ ଜିଲ୍ଲା ଆଠଗଡ଼ରୁ ଆସିଲା ଅଭାବନୀୟ ଘଟଣା । ସ୍ୱାମୀର ତଣ୍ଟିକାଟିଦେଲା ଦ୍ୱିତୀୟ ସ୍ତ୍ରୀ । ଏନେଇ ଆଠଗଡ଼ ଥାନାରେ ଅଭିଯୋଗ ହେବା ପରେ ପୁଲିସ ମାମଲା ରୁଜୁ କରି ଅଭିଯୁକ୍ତଙ୍କୁ ଅଟକ ରଖି ଘଟଣାର ତଦନ୍ତ ଆରମ୍ଭ କରିଛି। ମୃତ ସ୍ବାମୀଙ୍କ ନାଁ ମଙ୍ଗୁଳି ନାୟକ ବୋଲି ଜଣାପଡ଼ିଛି। ଅଭିଯୁକ୍ତ ଦ୍ୱିତୀୟ ପତ୍ନୀ ରୀନାଙ୍କୁ ଅଟକ ରଖି ପୁଲିସ ପଚରାଉଚରା କରୁଛି। ସୂଚନା ଅନୁଯାୟୀ, ମଙ୍ଗୁଳି ଆଠଗଡ଼ ପୌରାଞ୍ଚଳ ୪ ନମ୍ବର ୱାର୍ଡ଼ରେ ବାସ […]

ଆଠଗଡ଼: କଟକ ଜିଲ୍ଲା ଆଠଗଡ଼ରୁ ଆସିଲା ଅଭାବନୀୟ ଘଟଣା । ସ୍ୱାମୀର ତଣ୍ଟିକାଟିଦେଲା ଦ୍ୱିତୀୟ ସ୍ତ୍ରୀ । ଏନେଇ ଆଠଗଡ଼ ଥାନାରେ ଅଭିଯୋଗ ହେବା ପରେ ପୁଲିସ ମାମଲା ରୁଜୁ କରି ଅଭିଯୁକ୍ତଙ୍କୁ ଅଟକ ରଖି ଘଟଣାର ତଦନ୍ତ ଆରମ୍ଭ କରିଛି। ମୃତ ସ୍ବାମୀଙ୍କ ନାଁ ମଙ୍ଗୁଳି ନାୟକ ବୋଲି ଜଣାପଡ଼ିଛି। ଅଭିଯୁକ୍ତ ଦ୍ୱିତୀୟ ପତ୍ନୀ ରୀନାଙ୍କୁ ଅଟକ ରଖି ପୁଲିସ ପଚରାଉଚରା କରୁଛି।

ସୂଚନା ଅନୁଯାୟୀ, ମଙ୍ଗୁଳି ଆଠଗଡ଼ ପୌରାଞ୍ଚଳ ୪ ନମ୍ବର ୱାର୍ଡ଼ରେ ବାସ କରନ୍ତି। ସେ ପ୍ରଥମେ ବାହା ହୋଇଥିଲେ। ତାଙ୍କର ଏବେ ଛୋଟିଆ ଝିଅଟିଏ ରହିଛି। ଏହା ସତ୍ତ୍ୱେ ମଙ୍ଗୁଳି ପ୍ରେମ କରି ରୀନାଙ୍କୁ ବିବାହ କରିଥିଲେ। ବିବାହ ପରେ ରୀନାଙ୍କୁ ନିଜ ଘରକୁ ଆଣିଥିଲା। ଯାହାକୁ ତାଙ୍କ ପ୍ରଥମ ସ୍ତ୍ରୀ ବିରୋଧ କରିଥିଲେ। ସେଥିପାଇଁ ଦୁଇ ସ୍ତ୍ରୀଙ୍କ ମଧ୍ୟରେ ଅନେକ ସମୟରେ ଗଣ୍ଡଗୋଳ ହେଉଥିଲା। ଆଜି ପୂର୍ବାହ୍ନ ସମୟରେ ଦୁଇ ସ୍ତ୍ରୀଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା। ଏଥିରେ ହସ୍ତକ୍ଷେପ କରିଥିଲେ ମଙ୍ଗୁଳି। ଠିକ୍‌ ଏହି ସମୟରେ ରୀନା ଏକ ଧାରୁଆ ଛୁରୀରେ ମଙ୍ଗୁଳିଙ୍କ ବେକ କାଟି ଦେଇଥିବା ଅଭିଯୋଗ ହୋଇଛି। ତାଙ୍କୁ ରକ୍ତ ଜୁଡ଼ୁବୁଡ଼ୁ ଅବସ୍ଥାରେ ଉଦ୍ଧାର କରାଯାଇ ଆଠଗଡ଼ ମେଡ଼ିକାଲରେ ଭର୍ତ୍ତି କରାଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଏନେଇ ଆଠଗଡ଼ ଥାନାରେ ଅଭିଯୋଗ ହେବା ପରେ ପୁଲିସ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇ ଦେଇଛି।