ମନୋରଞ୍ଜନ
ଓଡ଼ିଶା
25 Mar 2022
By The Sakala
କ୍ୟାମେରାମ୍ୟାନ ମାନସ ସ୍ବାଇଁ ଅପହରଣ ଓ ହତ୍ୟା ମାମଲା: ମୃତ୍ଯୁ ପୂର୍ବରୁ ଲେଖିଥିଲେ ୩ ପୃଷ୍ଠାର ନିର୍ଯାତନା ଓ କୋହଭରା ଚିଠି
ଭୁବନେଶ୍ବର: ବହୁ ଚର୍ଚ୍ଚିତ କ୍ୟାମେରାମ୍ୟାନ ମାନସ ସ୍ବାଇଁ ଅପହରଣ ଓ ହତ୍ୟା ମାମଲାର ନୂଆ ମୋଡ ନେଇଛି। ଲେଡି କେୟାରଟେକରଙ୍କ ବିସ୍ଫୋରକ ବୟାନ ସାମ୍ନାକୁ ଆସିଛି। ହତ୍ଯା ପୂର୍ବରୁ ମାନସ ଲେଖିଥିଲେ ୩ ପୃଷ୍ଠାର ଚିଠି। ଏହି ଚିଠିରେ ତାଙ୍କୁ ଦିଆଯାଉଥିବା ନିର୍ଯାତନା ଓ କୋହଭରା କଥା ଲେଖିଥିଲେ। ସେ ଚିଠିକୁ ଲେଡି କେୟାର ଟେକର ପାଇଥିବା କହିଛନ୍ତି। ବନ୍ଦଘରର ନିର୍ଯାତନା ଚିଠିରେ ଲେଖିଥିଲେ ମାନସ। ପାପୀଙ୍କ ହାତରେ ମୃତଦେହ ନ ଦେବାକୁ ଲେଖିଥିଲେ। ଘରଲୋକଙ୍କୁ ମୃତଦେହ ଦେବା ନେଇ ଚିଠିରେ ଉଲ୍ଲେଖ ଥିବା କଥା କହିଛନ୍ତି ଲେଡି କେୟାର ଟେକର। ହତ୍ଯା ପୂର୍ବରୁ ଲେଖା ପାଇଥିଲେ ଦୟାଲ ଆଶ୍ରମର କେୟାରଟେକର। କେୟାରଟେକର ଝାଡୁ ବେଳେ ଏହି ଚିଠି ପାଇଥିଲେ। ଚିଠି ପାଇବା ପରେ ଶର୍ମିଷ୍ଠାଙ୍କୁ ଉକ୍ତ ଚିଠିକୁ କେୟାର ଟେକର ଦେଇଥିଲେ।
ତେବେ କୁଆଡେ ଗଲା ମାନସଙ୍କ ହତ ଲେଖା ଚିଠି। ମାନସଙ୍କ ଶେଷ ଚିଠି ଆଧାରରେ ହେବ ଖୋଳତାଡ ବୋଲି ଜଣାପଡ଼ିଛି।
https://www.thesakala.in/crime/caretaker-statement-before-his-death-manas-wrote-a-three-page-letter/article-10228
About The Author
