ନୂଆଦିଲ୍ଲୀ : ଏଣିକି ସାମୂହିକ ନିବେଶ ଯୋଜନା (ସିଏସ୍ଏସ୍) ଚଳାଉଥିବା କମ୍ପାନୀଗୁଡିକ ଉପରେ ପ୍ରତିବନ୍ଧକ ଲାଗୁ କରିବାକୁ ବଜାର ନିୟାମକ ଭାରତୀୟ ପ୍ରତିଭୂତ୍ତି ବିନିୟମ ବୋର୍ଡ(ସେବି) ଯୋଜନା କରୁଛି। ଏହା ହେଲେ ପ୍ରଥମ ଥର ପାଇଁ କ୍ଷେତ୍ର ଉପରେ ଏଭଳି ନିୟମ ଲାଗୁ ହେବ। ସୂଚନାନୁସାରେ, ପ୍ରଥମ ଥର ପାଇଁ ସେବି ସାମୂହିକ ନିବେଶ ଯୋଜନା ଅର୍ଥାତ୍ ସିଏସ୍ଏସ୍ର ନିୟମ ପରିବର୍ତ୍ତନ କରିବାକୁ ପ୍ରସ୍ତାବ ଦେଇଛି। ବନ୍ଦ ସମାପ୍ତ ନିବେଶ କ୍ଷେତ୍ରରେ ସିଏସ୍ଏସ୍ ଏକ ପୁଞ୍ଜିନିବେଶ ଉପକରଣ ଭାବରେ ବିବେଚନା କରାଯାଏ। ଏହି ଯୋଜନାଗୁଡିକର ଏକକଗୁଡ଼ିକ ବିନିମୟରେ ତାଲିକାଭୁକ୍ତ। ଏହି ଯୋଜନାଗୁଡିକରେ ଜଣେ ନିବେଶକଙ୍ ପାଇଁ କୌଣସି ସର୍ବନିମ୍ନ ବିନିଯୋଗ ସୀମା ରଖାଯାଇନାହିଁ। ଖୁଚୁରା ନିବେଶକମାନେ ସିଏସ୍ଏସ୍ ପାଇଁ ପ୍ରାଥମିକ ନିବେଶକ ଭାବେ ଟାର୍ଗେଟ୍‌ ହୋଇଥାନ୍ତି।

୧୯୯୯ ରେ ସିଏସ୍ଏସ୍ ନିୟମାବଳୀକୁ ସୂଚିତ କରାଯାଇଥିଲା ଏବଂ ସେବେଠାରୁ ଏହାର ସମୀକ୍ଷା କରାଯାଇନାହି। ଶୁକ୍ରବାର ଦିନ ହୋଇଥିବା ଏକ ଆଲୋଚନାରେ ସେବି କହିଛି ଯେ, ଖୁଚୁରା ନିବେଶକଙ୍କ ପାଇଁ ଉପଲବ୍ଧ ବିଭିନ୍ନ ପୁଞ୍ଜିନିବେଶ ଉପକରଣ ମଧ୍ୟରେ କୌ ଣସି ନିୟାମକ ଯୁକ୍ତି ହଟାଇବା ପାଇଁ ନିୟାମକ ଆବଶ୍ୟକତା ମ୍ୟୁଚୁଆଲ ଫଣ୍ଡ ସହିତ ସମାନ ହେବା ଜରୁରୀ ଅଟେ। ସେବି ପ୍ରସ୍ତାବ ଦେଇଛି ଯେ, ଏକ ସାମୂହିକ ନିବେଶ ଯୋଜନା ଚଳାଉଥିବା ମ୍ୟାନେଜମେଣ୍ଟ କମ୍ପାନୀ (ସିଆଇଏମ୍‌ସି) କିମ୍ବା ଏହାର ପ୍ରୋତ୍ସାହକଙ୍କର ଏକ ଲାଭ ଟ୍ରାକ୍ ରେକର୍ଡ ରହିବା ଉଚିତ୍। ଏହାସହ ମୋଟ ସମ୍ପତ୍ତି ମୂଲ୍ୟ ମଧ୍ୟ ସେଠାରେ ରହିବା ଉଚିତ୍। ସିଆଇଏମ୍‌ସିର ସର୍ବନିମ୍ନ ନେଟ୍ ମୂଲ୍ୟ ୫୦ କୋଟି ଟଙ୍କା ହେବା ଉଚିତ ବୋଲି ଏଥିରେ ପରାମର୍ଶ ଦିଆଯାଇଛି। ଏହାଛଡା କମ୍ପାନୀର ମୋଟ ସମ୍ପତ୍ତି ମୂଲ୍ୟ ଗତ ପାଞ୍ଚ ବର୍ଷ ମଧ୍ୟରେ ସକରାତ୍ମକ ରହିଥିବା ଉଚିତ୍। ପ୍ରଥମ ୫ ବର୍ଷର ତିନୋଟି ପାଇଁ ବ୍ୟୟ, ସୁଧ ଏବଂ ଟିକସ ଦେବା ପରେ ମଧ୍ୟ କମ୍ପାନୀ ଲାଭରେ ରହିବା ଉଚିତ |

ଅନ୍ୟ କୌଣସି ସିଆଇଏମ୍‌ସି ରେ ଅଂଶଗ୍ରହଣକାରୀ ହୋଇପାରିବନାହିଁ। ସବି ଏହା ମଧ୍ୟ ପ୍ରସ୍ତାବ ଦେଇଛି ଯେ ଯଦି ସିଆଇଏମ୍‌ସି, ଏହାର ଅଂଶୀଦାରମାନେ ପ୍ରତ୍ୟକ୍ଷ କିମ୍ବା ପରୋକ୍ଷ ଭାବରେ ୧୦ ପ୍ରତିଶତ କିମ୍ବା ଅଧିକ ଧାରଣ କରନ୍ତି, ତେବେ ଅନ୍ୟ କୌଣସି ସିଆଇଏମ୍‌ସି ଅଂଶଧନ କିମ୍ବା ଭୋଟ୍ ଅଧିକାରର ୧୦ ପ୍ରତିଶତ କିମ୍ବା ଅଧିକ ଧାରଣ କରିବା ଉଚିତ୍ ନୁହେଁ। ଅନ୍ୟ କୌଣସି ସିଆଇଏମ୍‌ସି ଉପରେ ବୋର୍ଡର କୌଣସି ପ୍ରତିନିଧିତ୍ୱ ରହିବା ଉଚିତ୍ ନୁହେଁ। ମ୍ୟୁଚୁଆଲ୍ ଫଣ୍ଡ ପରି, ସେବି ମଧ୍ୟ ସିଏସ୍ଏସ୍ ପାଇଁ ସ୍କିନ୍-ଇନ୍-ଗେମ୍ ନିୟମ ପ୍ରସ୍ତାବ ଦେଇଛି। ନିୟାମକ କହିଛନ୍ତି ଯେ, ସିଆଇଏମ୍‌ସିରେ ଅନ୍ତତଃ ପକ୍ଷେ ୨.୫ ପ୍ରତିଶତ ସୁଧ କିମ୍ବା ୫କୋଟି ଟଙ୍କାର ବଳକା ପାଣ୍ଠି ରହିବା ଉଚିତ। ତାହା ହେଉଛି, ଏଥିରୁ ଯାହା କମ୍, ତାହା କାର୍ଯ୍ୟକାରୀ ହେବ।