ମନୋରଞ୍ଜନ
ଲୋକପ୍ରିୟ ଟେଲି ଅଭିନେତ୍ରୀ ବୈଶାଳୀ ଠକ୍କରଙ୍କ ଆତ୍ମହତ୍ୟା, ନିଜ ବାସଭବନରୁ ଝୁଲନ୍ତା ଅବସ୍ଥାରେ ମୃତଦେହ ଉଦ୍ଧାର
ମୁୁମ୍ବାଇ: ଜୀବନ ହାରିଲେ ଆଉ ଜଣେ ଅଭିନେତ୍ରୀ । ଲୋକପ୍ରିୟ ଟେଲି ଅଭିନେତ୍ରୀ ବୈଶାଳୀ ଠକ୍କର ଆତ୍ମହତ୍ୟା କରିଛନ୍ତି । ଇନ୍ଦୋର ସ୍ଥିତ ତାଙ୍କ ବାସଭବନରୁ ବୈଶାଳୀଙ୍କ ଝୁଲନ୍ତା ମୃତଦେହ ଉଦ୍ଧାର କରାଯାଇଛି । ତାଙ୍କ ମୃତଦେହ ନିକଟରୁ ଏକ ସୁଇସାଇଡ ନୋଟ୍ ମିଳିଛି । ଅଭିନେତ୍ରୀଙ୍କ ଆତ୍ମହତ୍ୟା ଖବର ମିଳିବା ପରେ ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି ।
ଅଭିନେତ୍ରୀ ବୈଶାଳୀ ଠକ୍କର ଗତ ୧ ବର୍ଷ ହେଲା ଇନ୍ଦୋରରେ ରହୁଥିଲେ । ବୈଶାଳୀ ତାଙ୍କ ଅଭିନୟ ଜୀବନ ମଧ୍ୟରେ ଅନେକ ଲୋକପ୍ରିୟ ସୋରେ ଭାଗ ନେଇଛନ୍ତି । ସେ ‘ସସୁରାଲ ସିମର କା’ ସିରିଏଲରେ ଅଞ୍ଜଳୀ ଭୂୂମିକାରେ ଅଭିନୟ କରି ବେଶ୍ ପରିଚିତ ହୋଇପାରିଥିଲେ । ଏହା ବ୍ୟତୀତ ସେ ସୁପର ସିଷ୍ଟର, ମନମୋହିନୀ ସିଜିନ-୨ ରେ ଭାଗ ନେଇଥିଲେ ।
ଆତ୍ମହତ୍ୟା କରିବା ପରେ ଅଭିନେତ୍ରୀ ବୈଶାଳୀ ଛାଡି ଯାଇଥିବା ସୁଇସାଇଡ ନୋଟ୍କୁ ପୁଲିସ ଜବତ କରିଛି । ତେବେ କେଉଁ କାରଣରୁ ଅଭିନେତ୍ରୀ ଜଣକ ଆତ୍ମହତ୍ୟା କଲେ ସେ ନେଇ ସ୍ପଷ୍ଟ ସୂଚନା ମିଳିନଥିବା ବେଳେ ପୁଲିସ ତଦନ୍ତ ଜାରି ରଖିଛି ।
About The Author
