ଢେଙ୍କାନାଳ: ସରକାରୀ କାର୍ଯ୍ଯାଳୟରେ ଅନୈତିକ କାର୍ଯ୍ଯ ପ୍ରସଙ୍ଗରେ ଗଦାଶିଳା ଆରାଆଇ ରଞ୍ଜନ ପାଣିଗ୍ରାହୀଙ୍କୁ ନିଲମ୍ବନ ନିର୍ଦ୍ଦେଶ ଦିଆଯାଇଛି। ଢ଼େଙ୍କାନାଳ ଜିଲ୍ଲାପାଳଙ୍କୁ ରାଜସ୍ୱ ସଚିବ ନିର୍ଦ୍ଦେଶ ଦେଇଛନ୍ତି। ନିଲମ୍ବନ ସହିତ ଅପରାଧିକ ମାମଲା ରୁଜୁ କରିବାକୁ ରାଜସ୍ୱ ସଚିବ ବିଷ୍ଣୁପଦ ସେଠୀ କହିଛନ୍ତି। ଏଭଳି ଏକ ଅଭାବନୀୟ ଘଟଣା ସମ୍ନାକୁ ଆସିବାପରେ ତୁରନ୍ତ ପଦକ୍ଷେପ ନିଆଯାଇଛି।
ସୂଚନା ଅନୁଯାୟୀ, ଆଜି ଏହାର ଷ୍ଟିଂ ଅପରେସନ ବୈଦ୍ଯୁତିକ ଗଣମାଧ୍ଯମ ନନ୍ଦିଘୋଷ ଟିଭିରେ ହୋଇଥିଲା। ଯେଉଁଥିରେ ରାଜସ୍ୱ ନିରୀକ୍ଷକ ବିଭାଗର କର୍ମଚାରୀ ରଞ୍ଜନ ପାଣିଗ୍ରାହୀଙ୍କ ରାସଲୀଳା କଏଦ ହୋଇଥିଲା। ।
ଆରଆଇ ଅଫିସର ରଞ୍ଜନ ପାଣିଗ୍ରାହୀ ସରକାରୀ କାର୍ଯ୍ଯାଳୟକୁ ନିଜ ବେଡ୍ ରୁମ ଭାବି ନିଶା ଶକ୍ତ ଅବସ୍ଥାରେ ଶୋଇଥିଲେ। ଖାଲି ଶୋଇନାହାନ୍ତି ତାସହ ଅନୈତିକ କାର୍ଯ୍ଯରେ ମଧ୍ୟ ଲିପ୍ତ ଥିଲେ। ବହୁ ମିହିଳାଙ୍କସହ ତାଙ୍କ ସମ୍ପର୍କ ଥିବା ଜଣାପଡ଼ିଥିଲା। ଆରଆଇ ଅଫିସର ପଛପଟୁ ବିପୁଳ ପରିମାଣରେ ପାଣିବୋତଲ ଓ ମଦ ବୋତଲ ମଧ୍ୟ ଜବତ ହୋଇଛି। କାର୍ଯ୍ଯାଳୟରେ ତାଙ୍କର କିଛି ସାଙ୍ଗ ମଧ୍ୟ ଶୋଇଥିବା ଦେଖିବାକୁ ମିଳିଥିଲା।
ଏ ଘଟଣାରେ ଆରଆଇ ଅଫିସର ରଞ୍ଜନ ପାଣିଗ୍ରାହୀ କହିଥିଲେ ଯେ, ଏ ବିଷୟରେ ମୁଁ କିଛି ଜାଣି ନାହିଁ।