ନୂଆଦିଲ୍ଲୀ : ଦେଶରେ ୨୦୨୧ ଶେଷ ସୁଦ୍ଧା ୧୨୮ କୋଟି ୯୯ ଲକ୍ଷ ଆଧାର କାର୍ଡ ପ୍ରସ୍ତୁତ ହୋଇସାରିଛି। ତେବେ ଗତ ୫ ବର୍ଷରେ ୩, ୫୫, ୮୮୪ ଜାଲ୍‌ ଆଧାର କାର୍ଡ ବନା ଯାଇଛି। ଏ ସବୁକୁ ୟୁନିକ୍‌ ଆଇଡେଣ୍ଟିଫିକେସନ ଅଥରିଟି ଅଫ୍‌ ଇଣ୍ଡିଆ (ୟୁଆଇଡିଏଆଇ) ରଦ୍ଦ କରି ଦେଇଛି। ଏଥିରୁ ୧୦ରୁ ୧୨ ହଜାର ଆଧାର କାର୍ଡ କେବଳ ମଧ୍ୟପ୍ରଦେଶରେ ତିଆରି କରାଯାଇଛି। ସୂଚନା ଅଧିକାର (ଆରଟିଆଇ) ବଳରେ ଏହି ସୂଚନା ମିଳିଛି। ଆର୍‌ଟିଆଇ କର୍ମୀ ଚନ୍ଦ୍ରଶେଖର ଗୌଡ ୟୁଆଇଡିଏଆଇକୁ ଏକାଧିକ ଏବଂ ଜାଲ୍‌ ଆଧାର କାର୍ଡ ବିଷୟରେ ତଥ୍ୟ ମାଗିଥିଲେ।