ବାରିପଦା: ପାରିବାରିକ କଳହକୁ କେନ୍ଦ୍ର କରି ଜଣେ ସାନ ଭାଇ ନିଜର ବଡ ଭାଇକୁ କଟୁରୀରେ ହାଣି ହତ୍ୟା କରିବା ଘଟଣା ସ୍ଥାନୀୟ ଅଞ୍ଚଳରେ ଆଲୋଡନ ସୃଷ୍ଟି କରିଛି। ଘଟଣା ଘଟିଛି ବାରିପଦା ସଦର ଥାନା ଅନ୍ତର୍ଗତ ମାଧପୁର ଗ୍ରାମରେ। ମୃତକ ଜଣଙ୍କ ହେଲେ ମେଘରାୟ ସୋରେନ ।
ସୂଚନା ଅନୁଯାୟୀ, କୌଣସି କାରଣରୁ ଘରେ ଶୋଇଥିବା ସାନ ଭାଇ ସହ ଲକ୍ଷ୍ମଣ ସୋରେନର ଝଗଡା ହୋଇଥିଲା। ଝଗଡା ଏତେ ଉଗ୍ରରୂପ ଧାରଣ କଲା ଶେଷରେ ସାନଭାଇ କ୍ରୋଧର ବଶବର୍ତ୍ତୀ ହୋଇ ଏକ କଟୁରୀ ସାହାଯ୍ୟର ବଡ ଭାଇକୁ ବିଭତ୍ସ ଭାବରେ ହତ୍ୟା କରିଥିଲା। ଖବର ପାଇ ପୁଲିସ ଓ ସାଇଣ୍ଟିଫିକ ଟିମ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ଏନେଇ ବାରିପଦା ସଦର ପୁଲିସ ଏକ ହତ୍ୟାକାଣ୍ଡର ମାମଲା ରୁଜ୍ଜୁ କରି ପରିବାରର ଅନ୍ୟ ସଦସ୍ୟଙ୍କ ଠାରୁ ପୁଙ୍ଖାନୁପୁଙ୍ଖ ତଥ୍ୟ ସଂଗ୍ରହ କରୁଛି। ହତ୍ୟାକାରୀ ସାନଭାଇ ଲକ୍ଷ୍ମଣଙ୍କୁ ଗିରଫ କରି କୋର୍ଟ ଚାଲାଣ କରିଛି। ହତ୍ୟାକାଣ୍ଡରେ ବ୍ୟବହୃତ କଟୁରୀକୁ ଜବତ କରି ଅଧିକ ତଦନ୍ତ ଆରମ୍ଭ କରିବା ସହ ମୃତଦେହ ବ୍ୟବଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରିଛି ।