ରାଜସ୍ଥାନ: ରାଜସ୍ଥାନର ବିକାନେରରେ ମହାଜନ ଫାୟାରିଂ ରେଞ୍ଜରେ ବୁଧବାର ବଡ଼ ଦୁର୍ଘଟଣା ଘଟିଛି । ଟ୍ରେନିଂ ସମୟରେ ଏକ ବିସ୍ଫୋରଣ ଘଟି ସେନାର ୨ ଯବାନଙ୍କ ମୃତ୍ୟୁ ଘଟିଛି। ଟ୍ୟାଙ୍କରେ ଗୋଳା ବାରୁଦ ଲୋଡ୍ କରିବା ବେଳେ ହଠାତ୍ ବିସ୍ଫୋରଣ ଘଟିଥିଲା । ଏହି ଦୁର୍ଘଟଣାରେ ଜଣେ ଯବାନ ଆହତ ହେବାର ମଧ୍ୟ ଖବର ରହିଛି ।
ସୂଚନା ମୁତାବକ, ଦୁର୍ଘଟଣାରେ ପ୍ରାଣ ହରାଇଥିବା ଦୁଇ ଯବାନ ହେଲେ ଆଶୁତୋଷ ମିଶ୍ରା ଓ ଜିତେନ୍ଦ୍ର । ଆହତ ଯବାନଙ୍କୁ ହେଲିକପ୍ଟର ଯୋଗେ ଚଣ୍ଡିଗଡ଼ ନିଆଯାଇଛି । ଏହା ସହିତ ଦୁର୍ଘଟଣାରେ ପ୍ରାଣ ହରାଇଥିବା ଯବାନଙ୍କ ପାର୍ଥିବ ଶରୀରକୁ ସୁରତଗଡ଼ ମିଲିଟାରୀ ଷ୍ଟେସନ ନିଆଯାଇଛି ।