କୋଲକାତା: ପଶ୍ଚିମବଙ୍ଗରେ ପ୍ରଥମ ପର୍ଯ୍ଯାୟ ମତଦାନ ପୂର୍ବରୁ ଟିଏମସି କାର୍ଯ୍ଯାଳୟରେ ଶୁକ୍ରବାର ଦିନ ବିସ୍ଫୋରଣ ଘଟିଛି । ବାଙ୍କୁରାର ଜୟପୁରରେ ଥିବା ଟିଏମସି କାର୍ଯ୍ଯାଳୟ ଭିତରେ ବୋମା ବିସ୍ଫୋରଣ ଯୋଗୁଁ ଆତଙ୍କ ଖେଳିଯାଇଛି । ଏଥିରେ ୩ ଜଣ ଟିଏମସି କର୍ମୀ ଆହତ ହୋଇଥିବା କୁହାଯାଉଛି। ବିସ୍ଫୋରଣ ପଛରେ ବାମପନ୍ଥୀ ଦଳ ଏବଂ କଂଗ୍ରେସକୁ ଦାୟୀ କରିଛି ଦଳ। ଏହାକୁ ନେଇ ବିଜେପି କହିଛି ଯେ ଟିଏମସି କାର୍ଯ୍ଯାଳୟ ଭିତରେ ବୋମା ତିଆରି ବେଳେ ଏହି ଅଘଟଣ ଘଟିଛି। ଖବର ପାଇ ଘଟଣାସ୍ଥଳରେ ପୁଲିସ ମୁତୟନ ହୋଇଛନ୍ତି। ଆହତ ଟିଏମସି କର୍ମୀଙ୍କର ଶରୀର ପୋଡ଼ି ଜଳି ଯାଇଛି। ସମସ୍ତଙ୍କୁ ଉଦ୍ଧାର କରଯାଇ ହସ୍ପିଟାଲରେ ଭର୍ତ୍ତି କରାଯାଇଛି।