କେନ୍ଦ୍ରାପଡ଼ା: କଲେଜ ଆଗରେ ଭୁଜାଲି ବୁଲାଇଲା ଯୁବକ । ଯୁବତୀଙ୍କ ବେକରେ ଭୁଜାଲି ଲଗାଇ ଧମକାଇଲା ଯୁବକ । କେନ୍ଦ୍ରାପଡ଼ା ଜିଲ୍ଲା ଡେରାବିଶ ଥାନା ଅନ୍ତର୍ଗତ ଡେରାବିଶ କଲେଜ ସମ୍ମୁଖରେ ଏଭଳି ଦୃଶ୍ୟ ଦେଖିବାକୁ ମିଳିଥିଲା । ଏହାର ଭିଜୁଆଲ ଏବେ ଭାଇରାଲ୍ ହେବାରେ ଲାଗିଛି । ପୋଲିସ ଅଭିଯୁକ୍ତ ଯୁବକଙ୍କୁ ଅଟକ ରଖିଛି । 

ଭାଇରାଲ୍ ଭିଡ଼ିଓରେ ଯୁବକ ଜଣକ ଭୁଜାଲି ଧରି କଲେଜ ଆଗରେ ଛିଡା ହୋଇଥିବା ଛାତ୍ରୀ ଏବଂ ତାଙ୍କର ଜଣେ ବାନ୍ଧବୀଙ୍କୁ ଭୁଜାଲି ଦେଖାଇ ଧମକଚମକ ଦେଉଛନ୍ତି l ଘଟଣା ଘଟିବା ପରେ ପୋଲିସ ତୁରନ୍ତ ଘଟଣାସ୍ଥଳରେ ପହଞ୍ଚି ଅଭିଯୁକ୍ତ ଯୁବକଙ୍କୁ ଅଟକ ରଖିଛି । ତେବେ ଏକତରଫା ପ୍ରେମ ବ୍ୟାପାରକୁ ନେଇ ଏହା ଘଟିଥିବା ଜଣାପଡିଛି l