ଭୁବନେଶ୍ବର: ରାଷ୍ଟ୍ରପତିଙ୍କ ଓଡ଼ିଶା ବିଧାନସଭାକୁ ଆଗମନ ଥିବା ବେଳେ କଂଗ୍ରେସ ବିଧାୟିକା ସୋଫିଆ ଫିରଦୋଷଙ୍କ ବଡ ବୟାନ। ବାପାଇ ନେଇ ଥିବା ନିଷ୍ପତ୍ତି ଠିକ୍ ଥିଲ । ପ୍ରଥମେ ମାଟି ଅର୍ଥାତ୍ ଓଡ଼ିଆ ଅସ୍ମିତାକୁ ବାଛିଥିଲେ। ମହାମହିମ ରାଷ୍ଟ୍ରପତିଙ୍କୁ ଭୋଟ ଦେଇଥିଲେ। ଆଜି ଯାହା ଓଡ଼ିଶା ପାଇଁ ଗର୍ବର ବିଷୟ ହୋଇଛି। ଆଜିର ଦିନ ପାଇଁ ବେଶ ଉତ୍ସାହ ଅଛି ।
ଖବର ଅନୁଯାୟୀ, ରାଷ୍ଟ୍ରପତି ନିର୍ବାଚନ ସମୟରେ ମୋକିମ ଏନଡିଏ ପ୍ରାଥୀଙ୍କୁ ଭୋଟ ଦେବା ନେଇ ସୃଷ୍ଟି ହୋଇଥିଲା ବିବାଦ। ଯାହା ପାଇଁ ତାଙ୍କ ଉପରେ ଆକ୍ସନ ନେଇଥିଲା ସେତେବେଳେ ରାଜ୍ୟ କଂଗ୍ରେସ। ଏହାପରେ ଆଜି ବାପାଙ୍କ ପାଇଁ ବାହାରିଛନ୍ତି ଝିଅ ସୋଫିଆ ଫିରଦୋଷ। ରାଷ୍ଟ୍ରପତିଙ୍କ ଗସ୍ତ ବେଳେ ବାପା ଭୋଟ୍ କଥା ମନେ ପକାଇଲେ ସୋଫିଆ। କିଛି ହୁଇପ ଜାରି ହୋଇନଥିଲା। ଇଚ୍ଛା ଅନୁସାରେ ଭୋଟ୍ ଦେବାକୁ କୁହାଯାଇଥିଲା। ବାପା ମାଟିକୁ ଗୁରୁତ୍ଵ ଦେଇ ଓଡ଼ିଆ ଅସ୍ମିତାକୁ ବାଛିଥିଲେ ବୋଲି କହିଛନ୍ତି ସୋଫିଆ।