କଣ୍ଡିଆହାଟ: କେନ୍ଦ୍ରାପଡା ଜିଲାର ରାଜକନିକା ବ୍ଲକର ଜଣେ ଦିବ୍ୟାଙ୍ଗ ଯୁବତୀ ପିଲାମାନଙ୍କୁ ଟିଉସନକରି ନିଜେ ସ୍ୱାବଲମ୍ବୀ ହୋଇ ସମାଜ ସେବାରେ କିପରି ଲାଗିପଡିଛନ୍ତି ତାହାର  ଉଦାହରଣ ଦେଖିବାକୁ ମିଳିଛି ଚରପଡା ପଂଚାୟତର କଣ୍ଡିଆ ଗ୍ରାମରେ । ଗାୟତ୍ରୀ ଜନ୍ମରୁ ଦିବ୍ୟାଙ୍ଗ ହୋଇ ଜନ୍ମ ହୋଇଥିଲେ । ପିଲାଟି ଦିନରୁ ସେହିଦିନଠାରୁ ସମାଜସେବା କରିବା ପାଇଁ ଶପଥ ନେଇଥିଲେ । ସେ ନିକଟସ୍ଥ କଣ୍ଡିଆ ବି.ପି ହାଇସ୍କୁଲରେ ମାଟ୍ରିକରେ ପ୍ରଥମ ସ୍ଥାନ ଅଧିକାର କରିଥିଲେ। ତା’ପରଠୁ ସେ ପଛକୁ ଆଉ ଫେରି ନାହାଁନ୍ତି । ଆଗକୁ ଆଗ ମାଡି ଚାଲିଛନ୍ତି । ଏହାପରେ ସେ ହାଟସାହି ବି.ଆର ସାଇନ୍ସ କଲେଜରେ ବିଏସି ପାଠ ପଢୁଛନ୍ତି । ଘରର ଆର୍ଥୀକ ଅବସ୍ଥା ଖରାପ ଯୋଗୁ ସେ ବାପ ମାଆଙ୍କର ବୋଝ ନ ହୋଇ ନିଜେ ଛାଟ ଛୋଟ ପିଲାଙ୍କୁ ଟିଉସନ କରି ସ୍ୱାବଲମ୍ବୀ ହୋଇଛନ୍ତି। ଘରେ ପାଠଶାଳା କରି ବହୁ ଗରୀବ ପିଲାଙ୍କୁ ମାଗଣାରେ ଶିକ୍ଷାଦାନ ଦେଉଛନ୍ତି। ମାଆ ଗାୟତ୍ରୀଙ୍କର ସେ ଜଣେ ବଡଭକ୍ତ । ମା ଗାୟତ୍ରୀଙ୍କ ପାଇଁ ସେ ବହୁ ଭଜନ ଜଣାଣ ରଚନା କରିଛନ୍ତି । ଏହାଛଡା ସେ ଜଣେ ସଙ୍ଗୀତ ସାଧକ । ନିଜେ ସଙ୍ଗୀତ ରଚନା କରି ସମସ୍ତଙ୍କୁ ଶୁଣାଇ ସମଗ୍ର ଅଂଚଳରେ ନିଜର ଏକ ସ୍ୱତନ୍ତ୍ର ପରିଚୟ ସୃଷ୍ଟି କରି ପାରିଛନ୍ତି । ବଡ ବଡ ଷ୍ଟେଜରେ ସେ ସଂଗୀତ ଓ ଡ୍ୟାନ୍ସ କରି ପୁରସ୍କୃତ ହୋଇଛନ୍ତି । ସେ ଦୈନିକ ନିକଟସ୍ଥ ସହିଦ ସଚ୍ଚିଦା ନନ୍ଦ ପାର୍କକୁ ଯାଇ ଦେଶ ପ୍ରେମୀ ମାନଙ୍କୁ ଶ୍ରଦ୍ଧାଞ୍ଜଳି ଦିଅନ୍ତି । ସେ ରାଜସ୍ଥାନର ମାଉଣ୍ଟ ଆବୁର ଇଶ୍ୱରୀୟ ବିଶ୍ୱ ବିଦ୍ୟାଳୟର ଜଣେ ଛାତ୍ରୀ ଅଟନ୍ତି । ତାଙ୍କୁ ଏକ ସ୍କୁଟି ଯୋଗାଇ ଦେବାକୁ ସେ କେନ୍ଦ୍ରାପଡା ଜିଲାପାଳଙ୍କୁ ନିବେଦନ କରିଛନ୍ତି। ଆଜମ୍ନ ଜଣେ ବ୍ରହ୍ମ କୁମାରୀ ହେବାର ଦୃଢଆଶା ରଖିଛନ୍ତି ଏବଂ ସମାଜର ସେବା କରିବାକୁ ସ୍ଥିର କରିଛନ୍ତି ବୋଲି ଗାୟତ୍ରୀ କହିଛନ୍ତି।