କୋଣାର୍କ: ପୁରୀ ଅସ୍ତରଙ୍ଗ ସମୁଦ୍ରର ନିଷିଦ୍ଧାଞ୍ଚଳରୁ ୪ ଟ୍ରଲର ଜବତକୁ ଜବତ କରାଯିବା ସହ ୩୦ କର୍ମଚାରୀଙ୍କୁ ଅଟକ ରଖାଯାଇଛି। ବେଆଇନ୍ ଭାବେ ନିଷିଦ୍ଧାଞ୍ଚଳରେ ମାଛ ମାରୁଥିବା ବେଳେ ଟ୍ରଲର ଜବତ କରାଯାଇଛି। ପାରାଦୀପ ଅଞ୍ଚଳର ୩ଟି ଓ ବାଲେଶ୍ୱର ଅଞ୍ଚଳର ଗୋଟିଏ ଟ୍ରଲର ଜବତ କରାଯାଇଛି। ୩୦ ଜଣ ଟ୍ରଲର କର୍ମଚାରୀଙ୍କୁ ଅଟକ ରଖାଯାଇଛି। ସମୁଦ୍ର କୂଳରୁ ୫ କିଲୋମିଟର ଓ ଦେବୀ ମୁହାଣରୁ ୧୦ କିଲୋମିଟର ମଧ୍ୟରେ ଯନ୍ତ୍ରଚାଳିତ ଡଙ୍ଗାରେ ମାଛ ମାରିବା ଉପରେ କଟକଣା ଜାରି କରାଯାଇଛି । ଜବତ ଟ୍ରଲର ଗୁଡ଼ିକୁ ସମୁଦ୍ରରୁ ଅସ୍ତରଙ୍ଗ ନୂଆଗଡ଼ ଜେଟିକୁ ଅଣାଯିବା ପରେ କାଗଜପତ୍ର ଯାଞ୍ଚ ଚାଲିଛି। ମତ୍ସ୍ୟ ବିଭାଗ ଉପ ନିର୍ଦ୍ଦେଶକ ବସନ୍ତ ଦାଶଙ୍କ ନେତୃତ୍ୱରେ ବନବିଭାଗ ଓ କୋଷ୍ଟଗାର୍ଡ ଯବାନଙ୍କ ମିଳିତ ଚଢ଼ାଉ ହୋଇଥିଲା ।