ଲକ୍ଷ୍ନୌ: ଚଳିତ ବିଶ୍ୱକପ୍ର ୩୪ତମ ଲିଗ୍ ମୁକାବିଲାରେ ନେଦରଲାଣ୍ଡ୍ସ ଓ ଆଫଗାନିସ୍ତାନ ପରସ୍ପର ମୁହାଁମୁହିଁ ହୋଇଛନ୍ତି। ଆଜିର ମ୍ୟଚରେ ନେଦରଲାଣ୍ଡ୍ସ ଟସ ଜିତି ବ୍ୟାଟିଂ ନିଷ୍ପତ୍ତି ନେଇଛି।
ସେମି ଫାଇନାଲ୍ରେ ପ୍ରବେଶ କରିବା ପାଇଁ ଉଭୟ ଦଳ ନିକଟରେ ଏବେବି ସୁଯୋଗ ରହିଛି । ତେଣୁ ଉଭୟ ଦଳ ବିଜୟ ପାଇଁ ବାଜି ଲଗାଇ ଦେବେ । ଆଫଗାନିସ୍ତାନ ୬ଟି ମ୍ୟାଚ୍ ଖେଳି ୬ ପଏଣ୍ଟ ହାସଲ କରିଛି । ଶେଷ ୩ଟି ଯାକ ମ୍ୟାଚ୍ ଜିତିଲେ ଆଫଗାନିସ୍ତାନର ପଏଣ୍ଟ ୧୨ରେ ପହଞ୍ଚି ପାରିବ । ନେଦରଲାଣ୍ଡ୍ସ ସମାନ ସଂଖ୍ୟକ ମ୍ୟାଚ୍ ଖେଳି ୪ ପଏଣ୍ଟ ଅର୍ଜନ କରିଛି । ଆଗକୁ ଦଳ ୩ଟି ମ୍ୟାଚ୍ ଖେଳିବ । ଫଳରେ ୧୦ ପଏଣ୍ଟ ଅର୍ଜନ କରିବା ପାଇଁ ନେଦରଲାଣ୍ଡ୍ସ ନିକଟରେ ସୁଯୋଗ ରହିଛି ।