ନୂଆଦିଲ୍ଲୀ: ସଫଳ ସର୍ଜରୀ ପରେ ଘରକୁ ଫେରିଲେ ରାଷ୍ଟ୍ରପତି ଦ୍ରୌପଦୀ ମୁର୍ମୁ। ମୋତିଆବିନ୍ଦୁ ସମସ୍ୟା ଥିବାରୁ ଡାକ୍ତରଖାନାରେ ଭର୍ତ୍ତି ହୋଇଥିଲେ ରାଷ୍ଟ୍ରପତି ମୁର୍ମୁ। ତେବେ ସର୍ଜରୀ ପରେ ଏବେ ରାଷ୍ଟ୍ରପତି ନିଜ ବାସଭବନକୁ ଫେରିଥିବା ଜଣାପଡ଼ିଛି।

ସୂଚନା ଅନୁଯାୟୀ, ରାଷ୍ଟ୍ରପତି ମୁର୍ମୁ ଆଜି ସକାଳ ୧୧ଟା ୩୦ରେ ଦିଲ୍ଲୀ କ୍ୟାଣ୍ଟସ୍ଥିତ ଆର୍ମି ହସ୍ପିଟାଲ ରିସର୍ଚ୍ଚ ଆଣ୍ଡ ରେଫରାଲରେ ଭର୍ତ୍ତି ହୋଇଥିଲେ। ତାଙ୍କ ବାମ ଆଖିରେ ମୋତିଆବିନ୍ଦୁ ଥିଲା। ସର୍ଜରୀ ଦ୍ୱାରା ସେ ଆରୋଗ୍ୟ ଲାଭ କରିଛନ୍ତି। ବ୍ରିଗେଡିୟର୍ ଏସ.କେ ମିଶ୍ର ଏବଂ ତାଙ୍କ ଟିମ୍ ଦ୍ୱାରା ଏହି ସର୍ଜରୀ କରାଯାଇଥିଲା।