ଥାନେ : ନଭି ମୁମ୍ବଇରେ ଏକ ଅଜବ ଘଟଣା ଘଟିଛି। ଏଠାକାର ଏକ ଆବାସିକ ସମାଜରେ କୁକୁରଙ୍କୁ ଖାଇବାକୁ ଦେବା ଜଣେ ମହିଳାଙ୍କ ପାଇଁ ମହଙ୍ଗା ସାବ୍ୟସ୍ତ ହୋଇଛି। ଏଥୁଯୋଗୁଁ ମହିଳା ଅଂଶୁ ସିଂହଙ୍କ ବିରୋଧରେ ୮ ଲକ୍ଷ ଟଙ୍କା ଜରିମାନା ଲଗାଯାଇଛି। ସିଉଡ ଇଷ୍ଟେଟର ଏନଆରଆଇ କମ୍ପ୍ଲେକ୍ସ ପରିଚାଳନା କମିଟି ଏହି କାର୍ଯ୍ୟାନୁଷ୍ଠାନ ଗ୍ରହଣ କରିଛି। ଅଂଶୁ ସିଂହ କହିଛନ୍ତି ଯେ କମ୍ପ୍ଲେକ୍ସ ଭିତରେ ବୁଲା କୁକୁରଙ୍କୁ ଖାଇବାକୁ ଦେବା ନେଇ ଜୁଲାଇ ମାସରୁ ଦିନକୁ ୫ ହଜାର ଟଙ୍କା ହିସାବରେ ଜରିମାନା ଲଗାଯାଇଛି। ଅପରିଷ୍କାର କରୁଥିବା ଅଭିଯୋଗରେ ଏହି ଜରିମାନା ଲଗାଯାଇଛି। ଏହା ଏବେ ୮ ଲକ୍ଷ ଟଙ୍କା ହେଲାଣି। ଏହା ପୂର୍ବରୁ ସୋସାଇଟିର ଅନ୍ୟ ଏକ ପରିବାର ଉପରେ ୬ ଲକ୍ଷ ଟଙ୍କା ଜରିମାନା ଲଗାଯାଇଥିଲା। କମ୍ପ୍ଲେକ୍ସର ସଚିବ ବିନିତା ଶ୍ରୀନନ୍ଦନ କହିଛନ୍ତି ଯେ କୁକୁରଙ୍କ ଯୋଗୁଁ ଛୋଟ ପିଲା ଏବଂ ବୟସ୍କ ବ୍ୟକ୍ତି ଅନେକ ସମସ୍ୟାର ସମ୍ମୁଖୀନ ହେଉଛନ୍ତି । କୁକୁରଙ୍କ ପାଇଁ ଏକ ବାଡ ବନାଯାଇଛି। କିନ୍ତୁ ଏବେ ବି କିଛି ଲୋକ କମ୍ପ୍ଲେକ୍ସ ଭିତରେ କୁକୁରଙ୍କୁ ଖାଇବାକୁ ଦେଉଥିବାରୁ ଜରିମାନା ବ୍ୟବସ୍ଥା କରାଯାଇଛି।