ନୂଆଦିଲ୍ଲୀ: ଦିଲ୍ଲୀ ଅବକାରୀ ନୀତି ଦୁର୍ନୀତି ସହିତ ଜଡିତ ମନି ଲଣ୍ଡରିଙ୍ଗ୍‌‌ ମାମଲାରେ ଆଜି ଚତୁର୍ଥ ଥର ପାଇଁ ପ୍ରବର୍ତ୍ତନ ର୍ନିେଶାଳୟ (ଇଡି) ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ସମନ୍‌‌ ଜାରି କରିଛି। ଜାନୁଆରୀ ୧୮ ତାରିଖ ଦିନ ଇଡି କାର୍ଯ୍ୟାଳୟରେ ହାଜର ହେବା ଲାଗି ଏହି ନୋଟିସରେ ତାଙ୍କୁ କୁହାଯାଇଛି। ଇଡି ଜାରି କରିଥିବା ସମନ୍‌‌ ବେଆଇନ୍‌‌ ଓ ତାଙ୍କୁ ଗିରଫ କରିବା ଲାଗି ଉଦ୍ଦିଷ୍ଟ କହି ମୁଖ୍ୟମନ୍ତ୍ରୀ କେଜ୍ରିୱାଲ୍‌‌ ଜାନୁଆରି ୩ ତାରିଖ ସମନ୍‌‌କୁ ଏଡାଇ ଯାଇଥିଲେ। ଏହା ପୂର୍ବରୁ ନଭେମ୍ବର ୨ ଓ ଡିସେମ୍ବର ୨୧ ତାରିଖରେ ହାଜର ହେବାକୁ ଜାରି କରାଯାଇଥିବା ଇଡିର ଦୁଇଟି ସମନ୍‌‌ ମଧ୍ୟ ସେ ଏଡାଇ ଦେଇଥିଲେ।