ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ଏକ ଚାଞ୍ଚଲ୍ୟକର ତଥ୍ୟ ପ୍ରଦାନ କରାଯାଇଛି। ବିଶ୍ୱର ପ୍ରତିଷ୍ଠିତ ପ୍ରଯୁକ୍ତିବିଦ୍ୟା କମ୍ପାନୀ ଏନଭିଡିଆ (Nvidia) ର ସିଇଓ ଜେନସେନ୍ ହୁଆଙ୍ଗଙ୍କର ଜଣେ ଚୀନ୍ ଗୁପ୍ତଚରଙ୍କ ସହ ପ୍ରେମ ସମ୍ପର୍କ ଥିବା ନେଇ ରିପୋର୍ଟ ପ୍ରକାଶ ପାଇବା ପରେ ସାରା ବିଶ୍ୱରେ ଚହଳ ପଡିଛି।
ଏହି ରିପୋର୍ଟ ଅନୁଯାୟୀ, ଗତ ମେ ମାସରେ ବେଜିଂ ଗସ୍ତ ସମୟରେ ଟ୍ରମ୍ପଙ୍କୁ ଏହି ବିଷୟରେ ବିସ୍ତୃତ ସୂଚନା ଦିଆଯାଇଥିଲା। ଆମେରିକାର ବୈଷୟିକ ଜ୍ଞାନକୌଶଳ ଓ ଗୁପ୍ତ ତଥ୍ୟ ଚୋରି କରିବା ପାଇଁ ଚୀନ୍ ଗୁପ୍ତଚର ସଂସ୍ଥାଗୁଡ଼ିକ ଏଭଳି ପଦକ୍ଷେପ ନେଇଥିବା ଆଶଙ୍କା କରାଯାଉଛି। ଏହି ଘଟଣା ଏବେ ଅନ୍ତର୍ଜାତୀୟ ରାଜନୀତି ଏବଂ ବାଣିଜ୍ୟ ଜଗତରେ ଏକ ବଡ଼ ବିବାଦ ସୃଷ୍ଟି କରିଛି।
ଚୀନ୍ର ଗୁପ୍ତଚର ସଂସ୍ଥାମାନେ ଆମେରିକୀୟ ବଡ଼ ଟେକ୍ କମ୍ପାନୀଗୁଡିକରୁ ରଣନୈତିକ ସୂଚନା ହାସଲ କରିବା ପାଇଁ ସୁନ୍ଦରୀ ଗୁପ୍ତଚରଙ୍କୁ ବ୍ୟବହାର କରୁଥିବା ନେଇ ପୂର୍ବରୁ ମଧ୍ୟ ଅଭିଯୋଗ ହୋଇଆସୁଛି। ଏହି ପରିପ୍ରେକ୍ଷୀରେ ସେମିକଣ୍ଡକ୍ଟର ଶିଳ୍ପର ମୁଖ୍ୟ ଜେନସେନ୍ ହୁଆଙ୍ଗଙ୍କ ନାମ ଆସିବା ଏକ ଗୁରୁତର ସୁରକ୍ଷା ବାଧା ଭାବେ ଦେଖାଯାଉଛି। ଏନଭିଡିଆ ବର୍ତ୍ତମାନ ବିଶ୍ୱର ସବୁଠାରୁ ମୂଲ୍ୟବାନ କମ୍ପାନୀ ମଧ୍ୟରୁ ଅନ୍ୟତମ।
ଏହି ରିପୋର୍ଟ ସାମ୍ନାକୁ ଆସିବା ପରେ ଆମେରିକାର ଗୋଇନ୍ଦା ବିଭାଗ ମଧ୍ୟ ସତର୍କ ହୋଇଯାଇଛି। ଯଦି ଏହି ଦାବି ସତ୍ୟ ପ୍ରମାଣିତ ହୁଏ, ତେବେ ଏହା ଆମେରିକା ଏବଂ ଚୀନ୍ ମଧ୍ୟରେ ଚାଲିଥିବା ଟେକ୍ନୋଲୋଜି ଯୁଦ୍ଧକୁ ଏକ ଭିନ୍ନ ମୋଡ଼ ଦେଇପାରେ। ବର୍ତ୍ତମାନ ସୁଦ୍ଧା ଏନଭିଡିଆ କିମ୍ବା ଜେନସେନ୍ ହୁଆଙ୍ଗଙ୍କ ପକ୍ଷରୁ ଏହି ଅଭିଯୋଗ ଉପରେ କୌଣସି ଆଧିକାରିକ ପ୍ରତିକ୍ରିୟା ମିଳିନାହିଁ।