କଟକ: ମୁଣ୍ଡଳୀ ବ୍ରିଜ ନିକଟରେ ଅଘଟଣ । କଟକ ମୁଣ୍ଡଳୀ ବ୍ରିଜ ଉପରେ ସ୍କୁଟି ଓ ମୋବାଇଲ୍ ରଖି ମହାନଦୀକୁ ଜଣେ ଯୁବକ ଡେଇଁପଡିଥିବା ନେଇ ସୂଚନା ମିଳିଛି । ଯୁବକ ଜଣକ ଏବେ ବି ନିଖୋଜ ରହିଛନ୍ତି। ବର୍ତ୍ତମାନ ସୁଦ୍ଧା ତାଙ୍କର କୌଣସି ପତ୍ତା ମିଳିନାହିଁ। ମିଳିଥିବା ସୂଚନା ମୁତାବକ, ଆତ୍ମହତ୍ୟା ଉଦ୍ୟମ କରିଥିବା ଯୁବକ ଜଣକ ଭୁବନେଶ୍ବର ସିଆରପି ଅଞ୍ଚଳର । ତାଙ୍କ ନାମ ଚନ୍ଦ୍ରଶେଖର ତ୍ରିପାଠୀ ।
ମହାନଦୀର ମୁଣ୍ଡଳୀ ବ୍ରିଜ୍ ଉପରୁ ଆଜି ଅପରାହ୍ନ ପ୍ରାୟ ୩ଟା ବେଳେ ହଠାତ୍ ଜଣେ ଯୁବକ ବ୍ରିଜ୍ ଉପରେ ସ୍କୁଟି, ମୋବାଇଲ ଓ ହେଲ୍ମେଟ ରଖି ମହାନଦୀକୁ ଡେଇଁ ପଡ଼ିଥିଲେ। ଯୁବକଙ୍କ ଗାଡ଼ି ନମ୍ୱର(OD-07P-1286) । ସ୍ଥାନୀୟ ଲୋକେ ଏନେଇ ବାରଙ୍ଗ ପୁଲିସକୁ ଖବର ଦେବାପରେ ପୁଲିସ ଘଟଣାସ୍ଥଳରେ ପହଞ୍ଚି ମୋବାଇଲ୍ ଯାଞ୍ଚ କରିବା ସହ ପାରିପାର୍ଶ୍ୱିକ ପରିସ୍ଥିତିକୁ ଅନୁଧ୍ୟାନ ଜାରି ରଖିଛି ।