ବାଲେଶ୍ବର : ବାଲେଶ୍ବର ମୁଖ୍ୟ ଚିକିତ୍ସାଳୟରେ ଚିକିତ୍ସାଧୀନ ଅବସ୍ଥାରେ ଦୁଇ ଜଣ ଅଜଣା ବ୍ୟକ୍ତିଙ୍କ ମୃତ୍ୟୁ ହୋଇଛି। ତେବେ ମୃତ ବ୍ୟକ୍ତିଙ୍କ କୌଣସି ପରିଚୟ ନମିଳିବାରୁ ଶବଗୃହରେ ରଖାଯାଇଛି। ଦୁଇ ଜଣ ସଂକ୍ରମଣ ୱାର୍ଡର ଚିକିତ୍ସା ପାଇଁ ଭର୍ତ୍ତି ହୋଇଥିଲେ। ମାତ୍ର ହୃତଘାତ ଯୋଗୁଁ ଦୁଇ ଜଣ ବ୍ୟକ୍ତିଙ୍କ ମୃତ୍ୟୁ ହୋଇଥିଲା। ଜଣଙ୍କ ବୟସ ୨୮ ବର୍ଷ। ୧୫ ତାରିଖ ଦିନ ମୁଖ୍ୟ ଚିକିତ୍ସାଳୟକୁ ଚିକିତ୍ସା ପାଇଁ ଆସିବା ପରେ ମୃତ୍ୟୁ ହୋଇଥିଲା। ସେହିପରି ଆଉ ଜଣଙ୍କ ବୟସ ୬୫। ସେ ମେ ୨୫ ତାରିଖ ଦିନ ବିଳମ୍ବିତ ରାତିରେ ହସପିଟାଲରେ ଭର୍ତ୍ତି ହୋଇଥିଲେ। ଜୁନ୍ ୧୬ ତାରିଖ ଦିନ ମୃତ୍ୟୁ ହୋଇଯାଇଛି। ତେବେ କିଛି ଦିନ ପର୍ଯ୍ୟନ୍ତ ସେମାନଙ୍କୁ ଶବଗୃହରେ ରଖାଯିବ।