ଭୁବନେଶ୍ବର : ବିଏମସି କମିଶନର ଥିବା ସଂଜୟ ସିଂହଙ୍କୁ ନୂଆ ନିଯୁକ୍ତି ଦେଲେ ସରକାର । ସୂଚନା ଓ ଲୋକସମ୍ପର୍କ ବିଭାଗ ପ୍ରମୁଖ ସଚିବ ହେଲେ ସଂଜୟ ସିଂହ । ବିଡିଏ ଭିସି ଓ ଭୁବନେଶ୍ୱର ସ୍ମାର୍ଟ ସିଟି ଲି. ସିଏମଡି ଦାୟିତ୍ୱରେ ବି ରହିବେ । ଓଡିଶା ଔଷଧ ନିଗମ ଏମଡି ଯାମିନୀ ଷଡଙ୍ଗୀଙ୍କୁ ଡିଏ ବିଭାଗ ଓଏମଡି ଦାୟିତ୍ୱ ଦିଆଯାଇଛି।
ସୂଚନାଯୋଗ୍ୟ ରାଜ୍ୟ ସରକାର ଗତକାଲି ଗଂଜାମ ଜିଲ୍ଲାପାଳ ଥିବା ବିଜୟ ଅମୃତ କୁଲାଙ୍ଗେଙ୍କୁ ଭୁବନେଶ୍ବର ମହାନଗର ନିଗମ (ବିଏମ୍ସି)ରେ କମିସନର ଭାବେ ନିଯୁକ୍ତି ଦେବା ପରେ ଏଠାରୁ ବରିଷ୍ଠ ଆଇଏଏସ୍ ଅଧିକାରୀ ସଂଜୟ ସିଂହଙ୍କର ବଦଳି କରିଛନ୍ତି । ସଂଜୟ ସିଂହଙ୍କୁ ସୂଚନା ଓ ଲୋକ ସଂପର୍କ ବିଭାଗ ପ୍ରମୁଖ ସଚିବ ପଦବିରେ ଅବସ୍ଥାପିତ କରାଯାଇଛି। ଏଥି ସହିତ ସେ ଭୁବନେଶ୍ବର ଉନ୍ନୟନ କର୍ତ୍ତୃପକ୍ଷ (ବିଡିଏ)ରେ ଉପଧ୍ୟକ୍ଷ ଓ ଭୁବନେଶ୍ବର ସ୍ମାର୍ଟ ସିଟି ମୁଖ୍ୟ ପରିଚାଳନା ନିର୍ଦ୍ଦେଶକ ଭାବେ ଅତିରିକ୍ତ ଦାୟିତ୍ବ ତୁଲାଇବେ।
ସେହିପରି ଓଡ଼ିଶା ଔଷଧ ନିଗମର ପରିଚାଳନା ନିର୍ଦ୍ଦେଶକ (ଏମ୍ଡି ) ଯାମିନୀ ଷଡ଼ଙ୍ଗୀଙ୍କୁ ସାଧାରଣ ପ୍ରଶାସନ (ଜିଏ) ବିଭାଗରେ ଓଏସ୍ଡି ଦାୟିତ୍ବ ଦେଇଛନ୍ତି। ସାଧାରଣ ପ୍ରଶାସନ ପକ୍ଷରୁ ଜାରି ହୋଇଥିବା ବିଜ୍ଞପ୍ତିରେ ଏହା କୁହାଯାଇଛି।