କନ୍ଧମାଳ: ପୁଣି ସାମ୍ନାକୁ ଆସିଲା ମାଓବାଦୀଙ୍କ ବର୍ବର କାଣ୍ଡ । ଯୁବକଙ୍କୁ ଘରୁ ଡାକି ନେଇ ଗାଁ ଦାଣ୍ଡରେ ଗଳା କାଟି ହତ୍ୟା କଲେ ଲାଲ ବାହିନୀ । ଏଭଳି ଅଭବାନୀୟ ଘଟଣା ଘଟିଛି ତୁମୁଡିବନ୍ଧ ବ୍ଲକ ଭଣ୍ଡରଙ୍ଗୀ ପଞ୍ଚାୟତ ଅଞ୍ଚଳକେ। ମୃତକ ହେଲେ ସେହି ଗାଁର ଅଖିଳ ମାଝୀ । ଗତାକାଲି ବିଳମ୍ବିତ ରାତିରେ ୧୦ରୁ ଅଧିକ ମାଓବାଦୀ ଅଖିଳଙ୍କୁ ଘରୁ ଡାକି ନେଇ ହତ୍ୟା କରି ଦାଣ୍ଡରେ ପକାଇ ଚାଲିଯାଇଥିଲେ ।
ଗତକିଛି ଦିନ ହେଲା ସ୍ଥାନୀୟ ଅଞ୍ଚଳରେ ମାଓବାଦୀଙ୍କ ଗତିବିଧି ବଢିଥିବା ଜଣାପଡ଼ିଛି । ବାରମ୍ବାର ଧମକପୂର୍ଣ୍ଣ ପୋଷ୍ଟର ମଧ୍ୟ ଜାରି କରୁଛି ଲାଲ ବାହିନୀ । ମାଓ ହିଂସା ପରେ ଏବେ ସ୍ଥାନୀୟ ଲୋକ ଆତଙ୍କୀତ ଅବସ୍ଥାରେ ଅଛନ୍ତି । ସେପଟେ ମାଓ ଇନଫର୍ମର ସନ୍ଦେହରେ ମାଓବାଦୀ ହତ୍ୟା କରିଥିବା ସନ୍ଦେହ କରାଯାଉଛି । ପୁଲିସ ଘଟଣା ସ୍ଥଳରେ ପହଁଚି ଛାନଭିନ୍ ଆରମ୍ଭ କରିଦେଇଛି ।