ବ୍ରହ୍ମପୁର: କରୋନା ସଂକ୍ରମଣ ଚେନରେ ବ୍ରେକ ଲଗାଇବା ପାଇଁ ଗଞ୍ଜାମ ଜିଲ୍ଲା ପ୍ରଶାସନ ପକ୍ଷରୁ ବ୍ୟାପକ ପଦକ୍ଷେପ ନିଆଯାଇଛି । ଆଜିଠୁ ଆରମ୍ଭ ହୋଇଛି ଡୋର୍ ଟୁ ଡୋର୍ ଅକ୍ସିଜେନ୍ ଚେକିଂ ସର୍ଭେ। ଘରକୁ ଘର ଯାଇ ଆଶା କର୍ମୀମାନେ ଅକ୍ସିମିଟର ଜରିଆରେ ଲୋକଙ୍କୁ ଅକ୍ସିଜେନ୍ ଲେଭଲ୍ ଯାଞ୍ଚ କରୁଛନ୍ତି।

ଆସନ୍ତା ୨୪ ତାରିଖରୁ ଡୋର୍ ଟୁ ଡୋର୍ ସର୍ଭେ ଚାଲିବ ବୋଲି ଗତକାଲି ସର୍ବଦଳୀୟ ବୈଠକରେ ସୂଚନା ଦେଇଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ତିନି ମାସ ଯାଏ ଘରକୁ ଘର ବୁଲି ଆଶା କର୍ମୀ ଓ ଏଏନଏମ୍ କରୋନା ଲକ୍ଷଣ ଓ ଜଟିଳ ରୋଗର ସର୍ଭେ କରିବେ। ସେହିପରି ଗାଁ କଲ୍ୟାଣ ସମିତିକୁ ବି କୋଭିଡ୍ ମୁକାବିଲାରେ ସାମିଲ କରାଯିବ।