ମନୋରଞ୍ଜନ
03 Jan 2022
By The Sakala
ସ୍ୱାମୀ ସାଜିଲା ସଇତାନ୍: ଘରୋଇ କଳିର କରୁଣ ପରିଣତି, ସ୍ତ୍ରୀର ତଣ୍ଟି ଚିପି ହତ୍ୟା କଲା ସ୍ୱାମୀ
ଭଦ୍ରକ: ଭଦ୍ରକ ଜିଲ୍ଲା ପିରାହାଟ ଥାନା ଅନ୍ତର୍ଗତ ତଳଦୁମୁକା ଗାଁ ମହାକୁଡ ସାହିରେ ଘଟିଛି ଅଭାବନୀୟ ଘଟଣା । ରବିବାର ବିଳମ୍ବିତ ରାତିରେ ଘରୋଇ କଳିରୁ ସ୍ତ୍ରୀକୁ ସ୍ୱାମୀ ହତ୍ୟା କରିଥିବା ଅଭିଯୋଗ ହୋଇଛି। ସ୍ତ୍ରୀର ତଣ୍ଟି ଚିପି ହତ୍ୟା କରିଛି ସ୍ୱାମୀ । ସ୍ୱାମୀଙ୍କ ନାମ କହ୍ନେଇ ବେହେରା ହୋଇଥିବା ବେଳେ ମୃତକ ହେଲେ କହ୍ନେଇଙ୍କର ସ୍ତ୍ରୀ ରାଧାରାଣୀ ବେହେରା।
ସୂଚନା ଅନୁଯାୟୀ, ସ୍ବାମୀ କହ୍ନେଇ ବେହେରା ଓ ସ୍ତ୍ରୀ ରାଧାରାଣୀଙ୍କ ମଧ୍ଯରେ କୌଣସି କାରଣରୁ ବଚସା ହୋଇଥିଲା। ସ୍ବାମୀ ଉତକ୍ଷୀପ୍ତ ହୋଇ ସ୍ତ୍ରୀର ତଣ୍ଟି ଚିପି ହତ୍ୟା କରିଥିଲେ। ସ୍ତ୍ରୀକୁ ହତ୍ୟା ପରେ ନିଜ ପୁଅକୁ ମଧ୍ୟ ମାରିବାକୁ ଉଦ୍ୟମ କରୁଥିଲା ସଇତାନ୍ ବାପା । ଏହି ସମୟରେ ଚିତ୍କାର ଶୁଣି ଗାଁ ଲୋକ ଘରର କବାଟ ଭାଙ୍ଗି ନାବାଳକ ପୁଅକୁ ଉଦ୍ଧାର କରିଥିଲେ। ଅଭିଯୁକ୍ତ ସ୍ୱାମୀକୁ କାବୁ କରି ପୁଲିସର ଜିମା ଦେଇଛନ୍ତି ସ୍ଥାନୀୟ ଲୋକେ। ଅଭିଯୁକ୍ତକୁ ଗିରଫ କରି ଅଧିକ ତଦନ୍ତ ଜାରି ରଖିଛି ପୁଲିସ ।
https://www.thesakala.in/latest-odisha-news/bhadrak/husband-murder-to-his-wife-in-bdk/article-8113
About The Author
