ବାଲେଶ୍ୱର : ବୋହୂ ଉପରେ ଶାଶୁ ଫିଙ୍ଗିଲେ ଗରମ ତେଲ। ଏଭଳି ଘଟଣା ଘଟିଥିବା ନେଇ ଅଭିଯୋଗ କରିଛନ୍ତି ବୋହୂ। ସାମାନ୍ୟ ମନ୍ଦାର ଫୁଲ ଡାଳକୁ ନେଇ ଶାଶୁ ବୋହୂ ମଧ୍ୟରେ କଳହ । ଉଭୟଙ୍କ କଳିରେ ଶାଶୁ କ୍ରୋଧରେ ଗରମତେଲ ଫୋପାଡି ମାରିଦେବାକୁ ଉଦ୍ୟମ କରିଥିବା ମଧ୍ୟ ଅଭିଯୋଗ ହୋଇଛି। ଗରମ ତେଲ ପଡ଼ିବା ପରେ ମହିଳାଙ୍କୁ ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି କରାଯାଇଛି। ବାଲେଶ୍ୱର ଜିଲ୍ଲା ଖଇରା ଥାନା ମଠନୁଆ ଗାଁରେ ଘଟିଛି ଏଭଳି ଅଭାବନୀୟ ଘଟଣା ।
ମହିଳା ଜଣକ ୫୦ ପ୍ରତିଶତରୁ ଅଧିକ ପୋଡ଼ି ଯାଇଥିବାର କୁହାଯାଉଛି। ସୂଚନାଯୋଗ୍ୟ, ବାଲେଶ୍ବର ଜିଲ୍ଲା ଖଇରା ଥାନା ନନ୍ଦୋର ପଞ୍ଚାୟତ ମଠ ନୁଆଗାଁର ସୁଇଟି ଶିଅଳ ଭଲ ପାଇ ବିବାହ କରିଥିଲେ। ବିବାହ ପରଠାରୁ ଶାଶୁ ତାଙ୍କ ପ୍ରତି ଅତ୍ୟାଚାର କରୁଥିବା ଅଭିଯୋଗ ଆଣିଛନ୍ତି ବୋହୂ। ମନ୍ଦାର ଫୁଲ ଡାଳକୁ ନେଇ ଶାଶୁ –ବୋହୂ ବିବାଦ ଦେଖାଦେଇଥିବା ବେଳେ ଆଜି ସକାଳୁ ବୋହୂ ଉପରକୁ ଗରମ ତେଲ ଫୋପାଡି ଦେଇଥିଲେ। ସୁଇଟଙ୍କ ଖୁଡି ତାଙ୍କୁ ଉଦ୍ଧାର କରି ଖଇରା ମେଡିକାଲକୁ ଆଣିଥିଲେ। ଡାକ୍ତର ତାଙ୍କର ଚିକିତ୍ସା ପରେ ଭଦ୍ରକ ମେଡିକାଲକୁ ସ୍ଥାନାନ୍ତରିତ କରାଯାଇଛି।