ଭୁବନେଶ୍ୱର: ଅଧ୍ୟାପକଙ୍କ ନାଁରେ ସାଙ୍ଘାତିକ ଅଭିଯୋଗ । ରାତି ଅଧିରେ ଛାତ୍ରୀଙ୍କୁ ମେସେଜ କରି ଅଡ଼ୁଆରେ ଅଧ୍ୟାପକ । ଭୁବନେଶ୍ୱର ବେସିକ ସାଇନ୍ସ କଲେଜରୁ ଆସିଛି ଏପରି ଅଭିଯୋଗ । ଅଭିଯୋଗ ଅନୁସାରେ, ରାତି ଅଧରେ ପ୍ରାଣୀବିଜ୍ଞାନ ବିଭାଗର ଅଧ୍ୟାପକ ଛାତ୍ରୀଙ୍କୁ ପଠାଉଛନ୍ତି ଅଶ୍ଲୀଳ ମେସେଜ । ଏ ନେଇ ସମ୍ପୃକ୍ତ ଛାତ୍ରୀ ୩୧ ତାରିଖରେ ଆବଶ୍ୟକୀୟ ପ୍ରମାଣପତ୍ର ସହ କଲେଜ ନିର୍ଦ୍ଦେଶକଙ୍କୁ ଲିଖିତ ଅଭିଯୋଗ କରିଥିଲେ ।
ଅଭିଯୋଗ ପାଇ ତଦନ୍ତ କମିଟି ଗଠନ କରିଥିଲେ କଲେଜ ନିର୍ଦ୍ଦେଶକ । କମିଟି ରିପୋର୍ଟ ଦେବା ପରେ ଓୟୁଏଟି କୁଳପତିଙ୍କୁ ହସ୍ତାନ୍ତର କରାଯାଇଛି । ଜଣେ ଅଧ୍ୟାପକଙ୍କ ଠାରୁ ଏଭଳି ମେସେଜ ଆଶା କରାଯାଏ ନାହିଁ ବୋଲି କହିଛନ୍ତି ନିର୍ଦ୍ଦେଶକ । ଘଟଣାକୁ ନେଇ ଭିସି ଦୃଢ କାର୍ଯ୍ୟାନୁଷ୍ଠାନ ନେବେ ବୋଲି ସୂଚନା ରହିଛି ।